Yanditswe na: NSANZABERA Jean Paul
07/10/2026 10:46
Minisitiri
wa Siporo, Nelly Mukazayire, yatangajwe nk’umutumirwa w’umunsi mu gitaramo
cy’urwenya cya Gen-Z Comedy giteganyijwe ku wa 8 Ukwakira 2026, ari na cyo cya
mbere cy’uku kwezi.
Ibi bitaramo
ubusanzwe bizwiho guha umwanya abanyarwenya bakizamuka bakagaragaza impano zabo
ariko bikagira n’umwanya w’abatumirwa b’umunsi biganjemo abafite amazina muri
sosiyete mu rwego rwo kuganiriza urubyiruko ruba rwabikoraniyemo.
Kuri iyi
nshuro, ibi bitaramo byatumiwemo Minisitiri Nelly Mukazayire mu gice cyabyo
gitumirwamo aantu batandukanye bafite ibikorwa by’indashykirwa kizwi
nka Meet me Tonight aho azaganiriza urubyiruko
ruzacyitabira ku ngingo zitandukanye zirimo ibyaranze urugendo rwe haba muri
politiki n’ubuzima bwe bwite aho aba abwira by’umwihariko urubyiruko,
ibyarufasha kugera ku nzozi zarwo.
Iki gitaramo
cy’urwenya cyatumiwemo abahanga mu gusetsa basanzzwe bazwi muri Gen-Z
Comedi barimo nka Dogiteri Nsabii, Lucky
Baby, Umushumba, Dody Pirate, MC Kandii na Musa, ndetse na Kaddu, Clement na
Rumi.
