• Umuherwe Jensen Huang, yeguye ku buyobozi bukuru bw’ikigo cya NVIDIA nyuma y’imyaka 33

Umuherwe w’Umunyamerika ukomoka muri Taiwan, Jensen Huang, yeguye ku mwanya w’Umuyobozi Mukuru (CEO) w’ikigo cy’ikoranabuhanga cya NVIDIA, nyuma y’imyaka 33 agishinze akanakiyobora, mu gihe iki kigo cyugarijwe n'ibibazo bikomeye byatewe n'amakuru y'imibanire ye n'abagore batandukanye.

Icyemezo cyo kwegura kwe cyatangajwe ku wa Kane, tariki ya 12 Ugushyingo 2026, n'ubuyobozi bw'Inama y'Ubutegetsi ya NVIDIA, buvuga ko yahagaritse imirimo ye yose ako kanya, harimo no kuba umwe mu bagize Inama y'Ubutegetsi.

Iyi nkuru yateje impaka mu rwego rw'ikoranabuhanga ku Isi, kuko Huang yari umwe mu bantu bakomeye bagize uruhare mu kuzamura NVIDIA ikaba imwe mu bigo bifite agaciro gakomeye ku Isi, cyane cyane mu bijyanye n'ubwenge buhangano (AI).

Kwegura kwa Jensen Huang kuje gukurikira inkuru zagiye zitangazwa n'ibitangazamakuru mpuzamahanga zivuga ku mubano wihariye yari afitanye n'abagore babiri, mu gihe yari asanzwe afite umugore bashakanye kuva mu 1985.

Ukuvugwa cyane mu itangazamakuru byashyize Huang mu bibazo bikomeye, cyane cyane nyuma y'uko hagaragaye amakuru avuga ko umwe muri abo bagore, Alice Huang, ukora ibikorwa by'ubucuruzi mu bijyanye n'ikoranabuhanga, akekwaho n'inzego z'ubutasi za Leta Zunze Ubumwe za Amerika kuba afitanye isano n'inzego z'ubutasi z'Ubushinwa.

Ibyo byatumye havuka impungenge z'uko umubano wabo ushobora kuba warakoreshejwe mu bikorwa byo kubona amakuru cyangwa ikoranabuhanga rya NVIDIA rigenewe amasoko yihariye.

Jensen Huang yemeye ko yagiranye umubano w'urukundo n'uyu mugore, ariko ahakana ko yari azi ko yaba afite aho ahuriye n'ubutasi bw'Ubushinwa.

Ikindi kibazo cyarushijeho gukaza umurego ni amakuru yatangajwe n'ikinyamakuru The New York Times avuga ko Huang yari afitanye n'undi mubano wihariye na Kimberly Powell, wari umuyobozi ushinzwe ishami ry'ubuzima muri NVIDIA, akaba yarakoraga mu nzego zimwegereye.

Aya makuru yatumye ikibazo kirushaho gukomera, kuko uyu mukozi yari mu bayobozi bakuru b'ikigo kandi bivugwa ko yari munsi ye mu rwego rw'imirimo.

Ku Cyumweru tariki ya 8 Ugushyingo 2026, Huang yari yemereye abakozi ba NVIDIA ko yagize umubano utari uwo mu bashakanye, anasaba imbabazi umuryango we ndetse n'abo bakorana.

Yasezeranyije kandi ko azatanga ubufatanye mu iperereza ryari ryatangijwe n'Inama y'Ubutegetsi kugira ngo hamenyekane niba umubano we na Alice Huang waragize aho uhuriye n'ibikorwa by'ubutasi cyangwa kugerageza kwinjira mu mabanga y'ikigo.

Inama y'Ubutegetsi yari yashyizeho ikigo cy'amategeko kugira ngo gikore iperereza ryigenga ku byari byavuzwe. Ibyo bibazo byakomeje gushyira igitutu kuri Huang kugeza ubwo yeguye.

 

Like This Post?

• Share On:

Related Posts

---