• Perezida Kagame na Madamu Jeannette Kagame basuye inzibutso z'amateka muri Cambodia

Perezida wa Repubulika y'u Rwanda, Paul Kagame, na Madamu Jeannette Kagame basuye inzibutso ebyiri zifite amateka akomeye mu gihugu cya Cambodia, zirimo Urwibutso rw'Ubwigenge n'urwubatswe mu rwego rwo guha icyubahiro Nyakwigendera Umwami Norodom Sihanouk, wamenyekanye nka “Preah Borom Ratanak Kaudh”.

Uru ruzinduko rwabereye mu mujyi wa Phnom Penh, umurwa mukuru wa Cambodia, mu rwego rw'uruzinduko rwa Leta Perezida Kagame na Madamu Jeannette Kagame barimo kugirira muri iki gihugu.

Mu nzibutso basuye harimo Urwibutso rw'Ubwigenge, rwubatswe mu rwego rwo kwibuka no guha icyubahiro urugamba n'ubwitange byagize uruhare mu gutuma Cambodia ibona ubwigenge bwayo. Ni rumwe mu nzibutso z'ingenzi zigaragaza amateka y'iki gihugu n'urugendo rwacyo rwo kwigobotora ubukoloni.

Perezida Kagame na Madamu Jeannette Kagame kandi basuye urwibutso rwubakiwe Nyakwigendera Umwami Norodom Sihanouk, wahoze ari Umwami wa Cambodia ndetse akaza guhabwa izina ry'icyubahiro rya King-Father, risobanura Umwami w'Umubyeyi.

Norodom Sihanouk ni umwe mu bayobozi bagize uruhare rukomeye mu mateka ya Cambodia, by'umwihariko mu rugendo rw'iki gihugu rugana ku bwigenge no mu kubaka igihugu.

Urwibutso rwe rwubatswe mu rwego rwo gukomeza kuzirikana umurage yasize n'uruhare yagize mu mateka y'igihugu cye.

Uru ruzinduko rubaye mu gihe Perezida Kagame na Madamu Jeannette Kagame bari muri Cambodia mu ruzinduko rwa Leta, rugamije gukomeza umubano hagati y'u Rwanda n'iki gihugu cyo muri Aziya y'Amajyepfo y'Uburasirazuba.

Muri uru ruzinduko, Perezida Kagame yakiriwe n'Umwami wa Cambodia, Nyiricyubahiro Preah Bat Samdech Preah Boromneath Norodom Sihamoni, mu muhango wo kumusanganira ku rwego rw'igihugu wabereye ku Ngoro y'Umwami i Phnom Penh, nyuma hakurikiraho umwanya w'ibiganiro hagati yabo.

Biteganyijwe kandi ko nyuma yo  gusura izo nzibutso Perezida Paul Kagame aragirana ibiganiro n’abandi bayobozi  batandukanye barimo

 Perezida Kagame azahura anaganire na Samdech Akka Moha Sena Padei Techo Hun Sen, Perezida wa Sena na Samdech Maha Rathsapheathika Thipadei Khuon Sudary uyobora Inteko Ishinga Amatageko ya Cambodia.

 Umukuru w’Igihugu kandi azagirana ibiganiro na Samdech Moha Bovor Thipadei Hun Manet, Minisitiri w’Intebe wa Cambodia, ahazasinyirwa amasezerano hagati y’u Rwanda na Cambodia.

Perezida Kagame na Madamu Jeannette Kagame bazanitabira umusangiro wateguwe n’Umwami Norodom Sihamoni. Mbere y’uko  bitabira  Inama ya 20 y’Abakuru b’Ibihugu na za Guverinoma bigize Umuryango w’Ibihugu bikoresha Igifaransa (OIF)

 

Like This Post?

• Share On:

Related Posts

---