1. Home
  2. Imikino
  3. FOOTBALL

Biravugwa ko FC Barcelona ishobora gutandukana na Xavi Hernández

Yanditswe na: DUSHIMIMANA Elias 2024-01-28 14:22:49 Imikino

Umwesipanyoro utoza FC Barcelona, Xavi Hernández yafashe icyemezo cyo kutazakomeza gutoza iyi kipe nyuma y’umwaka w’imikino.

Ni icyemezo afashe nyuma yuko ikipe ye itsinzwe na Villarreal ibitego 5-3 mu mukino wa shampiyona wabaye bituma itarenga umutaru ku mwanya yari iriho wa gatatu n’amanota 44 aho irushwa amanota 10 na Real Madrid ya mbere muri La Liga.

Mu kiganiro uyu mutoza yagiranye n'abanyamakuru, yavuze ko gutoza FC Barcelona bigoranye kubera ko yibasirwa cyane iyo utsinzwe ndetse ko bimubangamira cyane.

Yagize ati " Ndabamenyesha ko kuva tariki ya 30 Kamena nzaba ntakiri umutoza w’iyi kipe. Ibihe ikipe irimo biragoye hakenewe impinduka, njye (nk’umukunzi wa FC Barcelona/Culer) sinabyihanganira."

Iki cyemezo kandi agifashe nyuma y’imyaka 3 (2021-2024) gusa nk’umutoza wa FC Barcelona, uyu mugabo warerewe muri La Masia yasezeye.

Mu mwaka wa 2022-2023, Xavi yatwaye igikombe cya shampiyona ariko ubu ararushwa amanota 10 na Real Madrid ya mbere.

Related Post