1. Home
  2. Amakuru
  3. POLITIKI

Fulgence Kayishema ukekwaho uruhare rwa Jenocide yakorewe Abatutsi 1994 yafatiwe muri Afurika yEpfo-Ni muntu ki?

Yanditswe na: DUSHIMIMANA Elias 2023-05-25 10:09:41 Amakuru

Kuri uyu wa Gatatu tariki ya 24 Gicurasi 2023 Nibwo Fulgence Kayishema wari ukekwaho uruhare muri Jenoside yakorewe Abatusi 1994 yatawe muri yombi Inzego z’ubutabera za Afurika y’Epfo zakoze zifatanyije n’Ubushinjacyaha bukuru bwa IRMCT.

Fulgence Kayishema avugwa cyane mu bwicanyi bwa Jenoside bwabereye i Nyange ya Kibuye.

Kayishema Fulgence yari Umupolisi muri Komini Kivumu muri Perefegitura ya Kibuye. Abamuzi bamugaragaza nk’umuntu wagize uruhare mu bwicanyi bwakorewe Abatutsi mu Kiliziya i Nyange.

Fulgence Kayishema wari Umupolisi ni we wafatanyije n’Umupadiri wayoboraga Kiliziya y’i Nyange mu kwica abatutsi benshi bari bahahungiye nkuko Igihe kibitangaza dukesha iyi nkuru.

Kayishema yayoboye Ingabo n’Interahamwe zitera Kiliziya ziyijugunyaho za grenades ndetse zitwaza imihoro zigiye gutsemba Abatutsi. Byaje kurangira abarenga 2000 bari bahunze bahiciwe.

Kayishema wiciye Abatutsi muri Kiliziya ya Nyange yafatiwe muri Afurika y’Epfo

25 May 2023 - 10:34
Kayishema wiciye Abatutsi muri Kiliziya ya Nyange yafatiwe muri Afurika y’Epfo

Fulgence Kayishema wazaga imbere mu bashyiriweho intego ya miliyoni 5 z’amadolari y’Amerika kubera uruhare akurikiranyweho yagize muri Jenoside yakorewe Abatutsi, yafatiwe ahitwa Pearl muri Afurika y’Epfo. 

Uyu mugabo w’imyaka 62, yafashwe ku gicamunsi cyo ku wa Gatatu taliki ya 24 Gicurasi, nyuma y’ibikorwa bihuriweho hagati y’abayobozi b’Afurika y’Epfo n’Ubushinjacyaha bw’Urwego Mpuzamahanga Rwashyiriweho Gukora Imirimo y’Insigarira y’Inkiko Mpanabyaha (IRMCT). 

Mu gihe cya Jenoside yakorewe Abatusi 1994 na Mbere yaho, Kayishema wari Umuyobozi w’Abajandarume mu yahoze ari Komini Kivumu, akurikiranyweho gutangiza ubwicanyi bwakotewe Abatutsi barenga 2,000 muri Kiliziya Gatolika ya Nyange mu gihe cya Jenoside yakorewe Abatutsi. 

Ku italiki  ya 13 Mata 1994, ni bwo Abajandarume bayoborwaga na Kayishema bari kumwe n’Interahamwe bagose Paruwasi ya Nyange, birara mu Batutsi bari bahahungiye babamishamo za gerenade ugerageje gucika bakamutemaguza umuhoro. 

Bamwe muri bo biganjemo abagore, abana n’abasaza bahungiye mu Kiliziya bifungiranamo mu gihe cy’iminsi itatu, kugeza ubwo Kayishema yazanye lisansi iyo Kiliziya igashumikwa ariko ntiyashya yose ngo ikongoke. 

Ibyo babonye ko bidahagije Kayishema n’abi bari kumwe batumijeho ikimashini cyo kuyisenya ikagwira abari bagihumeka batishwe n’umwotsi cyangwa umuriro, bakurikiyeho kugenzura niba hari abagihuneka mu mamatongo basanga hari uwo umutima ugitera bakamuhorahoza. 

Yatangiye guhunga ubutabera guhera mu mwaka wa 2001, akaba amaze imyaka myinshi yibera muri Afurika y’Epfo aho yari yarahinduye imyirondoro, yitwa n’andi mazina. 

Umushinjacyaha Mukuru wa IRMCT Serge Brammertz, yagize ati: “Fulgence Kayishema amaze imyaka irenga 20 ahunga ubutabera. Itabwa muri yombi rye ryemeza ko nta kabuza agiye kugezwa imbere y’ubutabera. Jenoside ni icyaha gikomeye cyane mu bizwi n’inyokomuntu. Umuryango Mpuzamahanga wiyemeje guharanira ko abayikoze bose bagezwa imbere y’ubutabera kandi bagahanwa.”

Brammertz avuga ko kuba Kayishema afashwe ubu bigaragaza ko ubutabera butajya buheba burundu, hatitawe ku myaka yose yaba ishize. 

Mu myaka yashize, IRMCT yagiye igaragaza kutishimira ubufatanye bw’Afurika y’Epfo mu kugeza abakekwaho Jenoside imbere y’ubutabera, aho yavugaga ko babonye ijuru rito muri icyo gihugu.

Ubwo bufatanye buke bwatumye Kayishema bamuhusha inshuro nyinshi, ariko uyu munsi Brammertz yashimye ubufatanye bw’icyo gihugu mu ifatwa rye.

Related Post