02:09:29
BPlus Tv
Super Fresh
Rwanda Form
KeySoft
Matelas Dodoma
Burkina Faso: Hasohotse raporo y'abantu biciwe mu bitero simusiga
Yanditswe na: DUSHIMIMANA Elias
2024-03-04 07:24:41 Amakuru
Kuri iki Cyumweru tariki 03 Werurwe 2024, Nibwo Umushinjacyaha Mukuru w’Intara y’Amajyaruguru ya Burkina Faso, Aly Benjamin Coulibaly, yatangaje ko abagera ku 170 biciwe mu bitero byibasiye Imidugudu itatu yo mu majyaruguru.
Coulibaly yavuze ko yakiriye raporo z’ibitero byibasiye Imidugudu ya Komsilga, Nodin na Soroe mu Ntara ya Yatenga,ku ya 25 Gashyantare byaguyemo abantu 170.
Yongeyeho ko ibi bitero byangije byinshi ndetse ko yategetse iperereza akanasaba amakuru abaturage.
Abarokotse ibyo bitero batangarije Ibiro Ntaramakuru by’Abafaransa (AFP) ko abagore benshi ndetse n’abana bari mu bahohotewe bikabije.
Amakuru aturuka mu Nzego z’umutekano avuga ko ibyo bitero bihabanye n’ibyabereye ku musigiti ndetse no ku Kiliziya mu majyaruguru ya Burkina Faso mu cyumweru gishize.
Burkina Faso irimo guhangana n’inyeshyamba zigendera ku matwara ya kiyisilamu, kuva mu 2015, kandi zamaze no kurenga imipaka zigera mu gihugu cy’abaturanyi cya Mali.
