03:49:52
BPlus Tv
Super Fresh
Rwanda Form
KeySoft
Matelas Dodoma
Lucky Fire na Dore Imbogo bashyizehe hanze indirimbo isingiza Perezida Paul KAGAME
Yanditswe na: DUSHIMIMANA Elias
2024-03-05 14:43:47 Imyidagaduro
Mu ntangiriro z'iki Cyumweru gitangira ku itariki 05 Werurwe 2024, Nibwo Umuhanzikazi Nyiransengiyumva Valentine wamenyekanye nka Vava cyangwa ‘Dore Imbogo’ n'umuraperi Dusabimana Emmanuel 'Lucky Fire' , bashyize hanze indirimbo OYEEE! isingiza ikanamamaza Nyakubahwa Parezida wa Repubulika y'u Rwanda, Perezida Kagame.
Aba bahanzi bombi bazwi mu ndirimbo zikunze gutembagaza abazujurikira bakanazumva, bakoze iyi ndirimbo ikubiyemo ubutumwa bubwira Abanyarwanda ko nta wundi bagomba gutora mu matora y’Umukuru w’Igihugu ateganyijwe muri Nyakanga uyu mwaka utari "Intore Paul Kagame.
Dore Imbogo muri iyi ndirimbo ' OYEEÉ!, Aba asobanura ko Perezida Paul KAGAME ari umuntu umenya indushyi n’imfubyi, mbere y’uko Lucky Fire yungamo ko ari ngombwa kumuhundagazaho amajwi.
Ati: "Amajwi yose tumuhurizeho, ndavuga intore izirusha intambwe, Kagame Paul umutoza w’ikirenga. Dutore umuyobozi wacu dukunda, reka ijabo riduheshe ijambo, hirya no hino diaspora, dutore umusaza du-celebra."
Minisitiri w’Urubyiruko n’ibikorwa by’ubuhanzi, Dr Utumatwishima Jean Nepo Abdallah, yifashishije urubuga rwe rwa X yavuze ko yabonye iriya ndirimbo; ashima umurava wa Dore Imbogo na Lucky Fire cyo kimwe n’abandi bahanzi nka bo bakomeje gukora indirimbo z’amatora ndetse anatangaza ko azamenyekanisha indirimbo izahiga izindi mu bwiza.
