13:57:54
BPlus Tv
Super Fresh
Rwanda Form
KeySoft
Matelas Dodoma
Senateri Mupenzi George yeguye ku mirimo
Yanditswe na: DUSHIMIMANA Elias
2024-06-07 11:59:36 Amakuru
Kuri uyu wa Gatanu tariki 07 Kamena 2024, Nibwo hatangiye gusakara amakuru yuko Senateri Mupenzi George yeguye ku murimo w’Ubusenateri ku mpamvu ze bwite.
Byamenyekanye nyuma yuko kuri uyu wa Kane tariki 6 Kamena 2024,Mupenzi wabaye umusenateri kuva muri 2019 ashyikirije Perezida wa Sena ibaruwa y’ubwegure.
Ubutumwa bwashyizwe ku rukuta rwa X rw’Inteko Ishinga Amategeko y’u Rwanda kuri uyu wa 7 Kamena 2024 bugaragaza ko ibaruwa y’ubwegure bwe yashyikirije Perezida wa Sena ku wa 6 Kamena 2024.
Bugira buti “Ku wa 6 Kamena 2024, Perezida wa Sena yakiriye ibaruwa y’ubwegure ku murimo w’Ubusenateri ya Mupenzi George ku mpamvu ze bwite.”
Uyu mugabo watowe mu bahagarariye Intara y’Iburasirazuba, ni impuguke mu by’Imiyoborere n’Amategeko mpuzamahanga arengera impunzi. Afite impamyabumenyi y’icyiciro cya kabiri mu ndimi, akanagira iy’icyiciro cya kabiri mu mategeko.
Yabaye Umujyanama wa Minisitiri mu rwego rwa tekiniki, anaba umunyamabanga wihariye wa Minisitiri w’Abakozi ba Leta n’Umurimo.
