08:27:30
BPlus Tv
Super Fresh
Rwanda Form
KeySoft
Matelas Dodoma
Kenya: Raila Odinga yashinje urugomo polisi ashimagiza abakora imyigaragambyo
Yanditswe na: DUSHIMIMANA Elias
2024-06-26 11:32:08 Amakuru
Kuri uyu wa Kabiri tariki 25 Kamena 2024, Nibwo umunyapolitiki Raila Odinga utavuga rumwe n’ubutegetsi bwa Kenya, ku rubuga rwe rwa X, yatangaje ko yamaganye urugomo rw’abapolisi bari gukumira imyigaragambyo, asaba ko abarugizemo uruhare bose batabwa muri yombi.
Ni ubutumwa atangaje nyuma yuko iyi myigaragambyo yatangiye tariki ya 18 Kamena 2024 ikajije umurego kuri uyu wa 25 Kamena, kuko abigaragambya biyongereye cyane, batera inyubako zirimo Ingoro y’Inteko Ishinga Amategeko, batwika kimwe mu bice biyigize.
Guverinoma yateganyaga kugeza umushinga wo kuvugurura itegeko rishya rigenga imari, ukongera miliyari 2,7 z’amadolari ku mafaranga Kenya yinjiza mu mwaka w’ingengo y’imari.
Aba baturage biganjemo urubyiruko basaba ko uyu mushinga wateshwa agaciro bitewe ahanini n’ingingo zizamura igipimo cy’imisoro n’ubwo abagize Inteko bamaze kuwemeza. Bagaragaza ko ubongerera umutwaro w’ubuzima busanzwe bubagoye, bitewe n’ibicuruzwa bihenze.
Ishami rya Kenya ry’Umuryango Amnesty International uharanira Uburenganzira bw’Ikiremwamuntu ryatangaje ko hari abantu batanu bishwe barashwe, abandi barakomereka. Riti “Abantu batanu barashwe barapfa ubwo bitaga ku bakomeretse. 31 bakomeretse barimo abarashwe amasasu ya nyayo.”
Raila Odinga aranenga imyitwarire ya polisi
Odinga yatangaje ko uyu mushinga w’itegeko watumye abaturage bigaragambya udakwiye kuba impamvu yo kwamburwa ubuzima, ahubwo ko Guverinoma ya Kenya ikwiye guca bugufi, ikaganira na bo ndetse impande zombi zigashakira umuti iki kibazo.
