00:15:41
BPlus Tv
Super Fresh
Rwanda Form
KeySoft
Matelas Dodoma
Hasinywe amasezerano y’ubufatanye hagati ya FPR-Inkotanyi n'ishyaka riri ku butegetsi muri Santrafurika
Yanditswe na: DUSHIMIMANA Elias
2024-07-17 18:13:39 Amakuru
Kuri uyu wa Gatatu tariki 17 Nyakanga 2024, Nibwo i Rusororo mu, Karere ka Gasabo, ku Cyicaro cy'Umuryango FPR Inkotanyi, hasinywe amasezerano y'ubufatanye hagati y'uyu muryango n’ishyaka riri ku butegetsi muri Santrafurika, Mouvement Coeurs-Unis (CMU) nyuma y'ibiganiro ku mikoranire.
Ni amasezerano yashyizweho umukono n'Umunyamabanga Mukuru w’Umuryango FPR-Inkotanyi, Gasamagera Wellars n'Umunyamabanga Nshingwabikorwa w’iri shyaka, Simplice Mathieu Sarandji.
Simplice Mathieu Sarandji usanzwe ari Perezida w’Inteko Ishinga Amategeko, wari uyoboye izindi ntumwa, yashimiye cyane abayobozi bakuru ba FPR-Inkotanyi uburyo babaye hafi Perezida Paul Kagame wegukanye intsinzi mu matora y’Umukuru w’Igihugu nkuko byatangajwe ku rubuga rwa X rwa FPR Inkotanyi.
U Rwanda na Santarafurika bisanzwe bifitanye ubufatanye mu masezerano atandukanye arimo n’ubufatanye bugamije guharanira amahoro n’umutekano hagati y’ibihugu byombi.
