Rayon Sports yemeje ko Robertinho ariwe mutoza wayo umwaka utaha w'imikino

Ikipe ya Rayon Sports yatangaje ko Robertinho Oliveira Goncalves Do Carmo uzwi nka Robertinho, ariwe mutoza wayo mushya umwaka utaha w'imikino.

Kuri uyu wa mbere taliki ya 22 Nyakanga, nibwo ikipe ya Rayon Sports yakoze ikiganiro n'itangazamakuru, aho yagombaga kumurikira abakunzi bayo, bimwe mubyo imaze gukora ku isoko , nibyo irimo guteganya gukora mbere y'uko umwaka w'imikino utangira, mu byatangajwe ni uko umunya Brazil Roberto Oliveira Goncalves Do Carmo uzwi nka Robertinho, ariwe uzatoza iyi kipe asimbuye umufaransa Jullie Mette , baheruka gutandukana.

Robertinho yatangajwe nk'umutoza mukuru wa Rayon Sports 

Robertinho ni ubwa 2 agiye gutoza Rayon Sports, kuko yayihesheje igikombe cya shampiyona iheruka muri 2019, ndetse anayigeza muri 1/4 muri CAF Confederations Cup, uyu mugabo ni umwe mubakundwa cyane n'abakunzi ba Rayon Sports, ndetse binavugwa ko aribo basabye ko yagaruka muri iyi kipe , akabamara umwuma w'ibikombe bamaranye imyaka 5.