23:22:01
BPlus Tv
Super Fresh
Rwanda Form
KeySoft
Matelas Dodoma
RIB yataye muri yombi Umuyobozi Mukuru w’Ibitaro nyuma y'urupfu rw'umwana w'imyaka 8
Yanditswe na: DUSHIMIMANA Elias
2024-08-20 06:48:06 Amakuru
Ku Cyumweru tariki ya 18 Kanama 2024, Nibwo Urwego rw’Igihugu rw’Ubugenzacyaha, RIB, rwataye muri yombi Umuyobozi Mukuru w’Ibitaro bya Gakoma biherereye mu Karere ka Gisagara witwa Ngiruwonsanga Pascal w’imyaka 38, kubw’iperereza riri gukorwa ku rupfu rw’umwana w’umugore we, witwa Ganza Rayane w’imyaka umunani.
Amakuru avuga ko nyakwigendera, Ganza Rayane , yapfiriye mu Karere ka Nyarugenge, Umurenge wa Kigali, Akagari ka Kigali mu Mudugudu wa Kagarama tariki ya 18 Kanama 2024, ari na wo munsi Ngiruwonsanga yahise atabwa muri yombi.
Uyu mwana yari uw’umugore wa Ngiruwonsanga Pascal bashakanye byemewe n’amategeko, akaba yaramutahanye muri urwo rugo.
Umuvugizi w'Urwego rw’Igihugu rw’Ubugenzacyaha, RIB, Dr. Murangira B. Thiery RIB yabwiye IGIHE dukesha iyi nkuru ukekwaho ko yatawe muri kubera ko hari impamvu zifatika zituma akekwa.
Yagize ati "Pascal Ngiruwonsanga yafashwe kubera iperereza riri gukorwa ku rupfu rw’umwana w’imyaka umunani. Hari impamvu zifatika zituma akekwa. Umurambo w’umwana woherejwe muri Rwanda Forensic Institute kugirango ukorerwe isuzumwa."
Dr. Murangira yaboneyeho kwibutsa Abaturarwanda kwirinda ibihuha bagategereza ibizagaragazwa n’iperereza.
Uwafashwe afungiye kuri Station ya RIB ya Karama mu gihe dosiye iri gutunganywa kugira ngo ishyikirizwe Ubushinjacyaha.
