• Nyagatare: Amayobera ku cyishe Claude umurambo we wasanzwe ku muhanda

Mu gitondo cyo ku wa 16 Kanama 2025 nibwo abatuye mu karere ka Nyagatare, Umurenge wa Nyagatare akagali ka Barija, umudugudu wa Barija B basanze umurambo w’umusore witwa Claude wari usanzwe akora akazi ko kwikorera imizigo.

Ababonye uyu murambo babwiye itangazamakuru ko byagaragaraga ko yakubiswe inkoni nyinshi ku kibuno ariko ko hari n’ibigaragaza ko yaba yarakubiswe ibindi bintu, bakavuga ko yari yiriwe mu gasantere ameze neza ndetse ko nta muntu n’umwe bagiranaga amakimbirane ibibateza urujijo ku cyaba cyateye abantu kumwica.

Abamuzi barimo n’abamubonye ku munsi ubanzira uwo yapfiriyeho bo bavuga ko ubusanzwe yakundaga kuba ari kuri depo y’inzoga muri iri muri uyu mudugudu bakavuga ko kuri iyo depo ari naho yari yazindukiye nk’ibisanzwe ndetse ko yanagaragara nk’ufite agasamusamu k’inzoga ariko gake ku buryo batavuga ko yaba yarasinze ngo agire abo asagarira.

Umwe mu bamuzi yagize ati “Nta makuru y’umuntu umuvuga nabi nzi muri aka gasima ngo yamwibye cyangwa ngo ariyenza, Oya. “

Undi ati “Urebye mu bamukuyemo imyenda, ni nk’inkoni bamukubise. Uwamwishe yamukubise kuko afite imibyimba ku mubiri arabyimbye. Ubusanzwe nta rugomo rwajyaga ruhaba, ni ibintu bitunguranye ntabwo byajyaga bihaba.”

Hari undi wagize ati “Uyu muntu uburyo yitwaraga yitwaraga neza. Namubonaga aterura amadomoro, atwara amakurete y’abantu, indi mibereho ye ntabwo nyizi ariko namubonaga abana n’abantu neza.”

Mu karere ka Nyagatare hamaze iminsi hagaragara imfu za hato na hato ku bantu ntihahite hamenyekana icyaba cyabishe, ibi bishimangira ko hakwiye gukazwa ingamba z’umutekano muri aka karere.

REBA INKURU IRAMBUYE MURI VIDEO IKURIKIRA

Like This Post?

• Share On:

Related Posts

---