Police FC yirukanye Mashami Vicent wari umutoza wayo

Ikipe ya Police FC yirukanye Vicent,  Mashami wari umutiza wayo , uyu mugabo wari umaze imyaka 2 n'igice muri Police FC , arashinjwa umusaruro mucye.

Kuri uyu wa gatatu taliki ya 08 Mutarama 2025 , nibwo amakuru yamenyekanye ko Mashami Vicent , atakiri umutoza wa Police FC,  iyi nkuru yaje nyuma y'iminsi 4 iyi kipe itsinzwe na Rayon Sports ibitego 2-0 , ishimangira kuzasoza igice kibanza cya shampiyona ku mwanya wa 3, irushwa amanota 13 na Rayon Sports ya mbere .

Nyuma yo gutsindwa na Rayon Sports Police FC yirukanye Mashami Vicent 

Mugihe kingana n'imyaka 2 n'igice Mashami Vicent yamaze muri Police FC ,  yatwaye ibikombe 3 , birimo igikombe cy'amahoro, igikombe kiruta ibindi (Super Cup ) n'igikombe cy'intwali , umwaka w'imikino wa 2024-2025 Police FC yaguze abakinnyi benshi kandi bitwa ko bakomeye, gusa ikomeza kwitwara nabi.

Umwaka w'imikino wa 2023-2024 Police FC yasoje ku mwanya wa 2, mu gice cya mbere cya shampiyona,  nyamara isoza ku mwanya wa 7 muri shampiyona yose nyuma yo kwitwara nabi mu gice cya 2 cya shampiyona,  Police FC ihora irota gutwara igikombe cya shampiyona,  gusa bikomeje kuba inzozi nyine.

Ikipe Police FC yari yitezweho gutwara igikombe uyu mwaka ariko byongeye kwanga