1. Home
  2. Amakuru
  3. AMAKURU-YO-HANZE

Kenya: Umugabo w'imyaka 29 yafatanywe ibice by'umurambo w'umugore we

Yanditswe na: DUSHIMIMANA Elias 2025-01-23 12:52:38 Amakuru

Mu rukerera rwo kuri uyu wa Gatatu tariki ya 23 Mutarama 2025, Nibwo Polisi ya Kenya yataye muri yombi umugabo wari utwaye umurambo wacagaguwemo ibice awutwaye mu gikapu cye cyo mu mugongobikekwa ko ari uw'umugore we w'imyaka 19.

BBC dukesha iyi nkuru, yanditse ko abapolisi bahuye na John Kiama Wambua, w'imyaka 29, ubwo bari barimo gukora irondo mu karere ka Huruma, kari mu burasirazuba bw'umurwa mukuru Nairobi.

Mu gucyeka ko Wambua yari atwaye ikintu kinyuranyije n'amategeko, basatse igikapu cye cyo mu mugongo, nuko "batungurwa" no gusangamo ibice by'umubiri w'umuntu, nkuko itangazo ry'urwego rw'ubugenzacyaha bwa Kenya (DCI) ribivuga.

Itangazo rya DCI rivuga ko nyuma yuko abapolisi bahase ibibazo Wambua, yababwiye ko ibyo bice by'umurambo ari iby'umugore we, Joy Fridah Munani.

Iryo tangazo ryavuze ko yagaragaye "adahangayikishijwe" n'ibyo abapolisi bari bamaze gutahura mu gikapu cye.

Nyuma yo guhatwa ibibazo, Wambua yajyanye abo bapolisi mu rugo rwe, aho basanze icyuma (imbugita mu Kirundi), imyenda yuzuyeho amaraso, n'ibindi bice by'umurambo munsi y'igitanda cye.

DCI yavuze ko iki ari igikorwa "cya kinyamaswa". Urwo rwego rwongeyeho ko uwo ucyekwa azaregwa icyaha cy'ubwicanyi ubwo azaba agejejwe mu rukiko mu gihe kiri imbere.

Ibi si ubwa mbere bibaye muri Kenya. Iki gihugu gifite kimwe mu bigero (ikigero) biri hejuru cyane by'abagore bicwa n'abagabo, cyangwa ubwicanyi bushingiye ku gitsina, muri Afurika.


Hagati ya Kanama (8) n'Ukwakira (10) kw'umwaka ushize, polisi ya Kenya ivuga ko abagore nibura 97 bishwe.

Related Post