20:53:11
BPlus Tv
Super Fresh
Rwanda Form
KeySoft
Matelas Dodoma
RDC: Joseph Kabila yagiranye ibiganiro n’abahagarariye amadini n’amatorero
Yanditswe na: DUSHIMIMANA Elias
2025-05-29 14:04:44 Amakuru
Ku gicamunsi cyo kuri uyu wa 29 Gicurasi 2025, Nibwo Umuvugizi w’ihuriro AFC/M23, Lawrence Kanyuka, yatangaje ko Joseph Kabila wayoboye Repubulika Iharanira Demokarasi ya Congo, yaganiriye n’abahagarariye amadini n’amatorero mu Mujyi wa Goma.
Amakuru avuga ko ibi biganiro by'abahagarariye amadini n’amatorero na Kabila wayoboye RDC kuva mu 2001 kugeza mu 2019, byabereye mu gace ka Kinyogote, agace kari mu bilometero bigera mu 10 uvuye mu Mujyi wa Goma. Ibyagarutsweho ntibiratangazwa.
Ihuriro AFC/M23 tariki ya 26 Gicurasi 2025 ryatangaje ko Kabila yageze mu Mujyi wa Goma.
Kuva yagera muri uyu mujyi yagize gahunda zitandukanye zirimo ibiganiro n’abayobozi ba AFC/M23 ndetse n’abandi bashaka gutanga umusanzu mu kugarura umutekano mu Burasirazuba bwa RDC.
Biteganyijwe ko gahunda ze muri uru ruzinduko nizirangira, azatangaza icyo ateganya gukurikizaho.
