• Oldies Festival igiye kuba ku nshuro ya 6 izarangwa n’udushya twinshi

Ku nshuro  ya  Gatandatu muri Kigali hagiye kongera kuba  Iserukiramuco rya Oldies Festival rikunda  kurwanga n’Indirimbo zo hambere  mu myaka ya kera ndetse n’Imyambarire  abakuru Bambara icyo  gihe .

 Iri serukiramuco ryaherukaga kuba mu mwaka ushize muri  kuri ubu  rigiye kongera kuba aho rizarangwa  n’udushya twinshi cyane kurusha uko  aya mbere yagiye aba yabaga ateguye .

Mu kiganiro n’Umunyamakuru wa BTN Rwanda Uwimana Basile umaze imyaka myinshi ategura iri serukiramuco ko uyu mwaka uzaba wihariye kuko hari ibintu binshi bazahinduramo kugira ngo  rizarushaho kuryohera abakunzi b’umuziki wa kera .

 Yakomeje avuga  “Kuva ‘Oldies Festival’ yatangira, abari aba-DJ ndetse n’abashyushyarugamba akenshi babaga ari abagabo. Ubu rero twahisemo guha umwanya n’abari n’abategarugori. Ni ukuvuga ngo muri aba-DJ hazabamo abakobwa, ndetse n’umushyushyarugamba nyamukuru azaba ari umugore.”

Uwimana yongeyeho ko indi mpinduka izaba itandukanye n’iy’ibindi bihe ari ‘Live Band’ iri mu za mbere mu Rwanda, izacuranga umuziki wo mu myaka yo hambere, ihuza injyana za kera n’iz’ubu mu buryo bwo gususurutsa abitabira.

Iri serukiramuco ryaherukaga kuba tariki ya 26 Nyakanga 2025, naryo ryabereye muri Kigali Universe. Kuri iyo nshuro, ryari ryitabiriwe n’abatari bake bakunda umuziki n’umuco wo hambere, ndetse hahembwe abahize abandi mu myambarire barimo Mugisha Emmanuel wamamaye nka Clapton Kibonge muri Cinema.

Uretse igitaramo nyamukuru, iri serukiramuco risanzwe riherekezwa n’ibiganiro ku mateka y’umuziki nyarwanda, ibiganiro by’abahanga mu myambarire ya kera, ndetse n’imurikabikorwa ry’abanyabugeni n’abashushanya bigaragaza iterambere ry’ubuhanzi n’umuco kuva kera.

Ku isi hose, amaserukiramuco nk’aya akunze kuba urubuga rwo guhuza abakunzi b’umuziki n’abahanzi bakunda kwibuka ibihe byahise. Mu birori nk’ibi, abitabira baba bambaye imyambaro ya kera, bagaragaza uburyo umuco n’imideli byagiye bihinduka.

 Kuri iyi nshuro  iri serukiramuco rya Oldies Festival rizabera muri Kigali Universe tariki 6 Ukuboza 2025.

Like This Post?

• Share On:

Related Posts

---