• Davido yagizwe Perezida w’Ikigega cy’Imikino cya Osun (Osun Sports Trust Fund)

Davido yagizwe Perezida w’Ikigega cy’Imikino cya Leta ya Osun, agiye gufasha mu guteza imbere ibikorwa bya siporo

Nk’uko bitangazwa n’itangazo rya Leta ya Osun, inshingano nshya za Davido zigamije gukusanya inkunga n’ibikoresho bigamije guteza imbere no kuvugurura ibikorwa remezo bya siporo muri Leta ya Osun.

Leta yatangaje ko iri tegeko rigaragaza ubwitange bwa Guverineri Ademola Adeleke mu kunoza ibikorwa by’imikino no guhanga amahirwe mashya y’urubyiruko binyuze mu mikino n’imyidagaduro.

Umutware w’Intara akaba na Minisitiri w’Imikino, Kola Adewusi, yemeje iyi nshingano nshya, avuga ko umuhanzi watsindiye ibihembo bikomeye Davido yishimiye cyane uwo mwanya kandi ahita yemera guhita atangira akazi.

“Imirimo yo gusana Stade ya Osogbo kugira ngo igerweho ku rwego mpuzamahanga izarangira mu gihe gito. Turimo kandi gutegura ishingwa ry’Urwego rushya rwa Leta ya Osun rushinzwe Siporo (Osun State Sports Commission) ruzajya rukurikirana gahunda z’iterambere rya siporo n’ishyirwa mu bikorwa ry’amabwiriza ya Leta,”

Uyu muyobozi yakomeje avuga ko Ikigega gishya cy’Imikino (Sports Trust Fund) kizayoborwa na Davido, kigamije gukurura abashoramari, abafana b’imikino n’abagiraneza baturuka mu gihugu no hanze yacyo, kugira ngo siporo ibone uburyo burambye bwo gutungwa no gutezwa imbere.

Kola Adewusi yakomeje avuga “Uruhare rwa Davido ruzafasha kuzana inkunga nini cyane izagira uruhare rukomeye mu guteza imbere siporo muri Osun,”

Guverineri Ademola Adeleke yongeye kugaragaza ko ubuyobozi bwe bushyize imbere siporo nk’urufatiro rw’iterambere ry’urubyiruko n’ubumwe bw’abaturage muri Leta ya Osun.

 

Like This Post?

• Share On:

Related Posts

---