?Umuraperi ukomeye wo muri Nijeriya, Olamide, yavuze ko umuririmbyi wegukanye Grammy, Wizkid, ari we muhanzi wa Afrobeats ukomeye kurusha abandi nyuma ya nyakwigendera Fela Kuti, wari umunyabigwi muri iyi njyana .
Baddo, nk’uko akunze kwitwa iyo yatumiwe , yavuze yishimira indirimbo nyinshi yakoranye na Wizkid ibi yabitangarije mu kiganiro aherutse kugirana n’abanyamakuru muri Canada.
Yagize ati: “Mfite umugisha wo kuba narakoranye na Wizkid inshuro nyinshi. Uzi ko Wizkid ari we muhanzi wa Afrobeats ukomeye kurusha abandi nyuma ya Fela,”
Olamide yasobanuye ko gukorana na Wizkid bitari ibyo gushaka inyungu gusa, ashimangira ko bishingiye cyane ku bwumvikane bwabo mu muziki.
Icyakora, ibyo Olamide yavuze ko Wizkid ari umuhanzi wa Afrobeats ukomeye kurusha abandi nyuma ya Fela, cyateje impaka zikomeye ku mbuga nkoranyambaga.
Mu minsi ishize Burna Boy nawe yari aherutse gutangaza ko ari we muhanzi wa mbere muri Afurika ukomeye nyuma ya Fela.
Davido nawe yagiye inshuro nyinshi atangaza kenshi ko ariwe ppmwami wa Afrobeats.”
Abakunzi ba Wizkid, Davido na Burna Boy bakomeje gutera amagambo ku bijyanye n’umuhanzi ukomeye muri Afrobeats kuva Olamide yatangaza iby’uyu mwanya.
Yanditswe na: NSANZABERA Jean Paul
14/11/2025 22:44
