• DRC: Abanyamakuru 12 bamaze kwicwa

Raporo yitwa Journaliste en Danger (JED) ya 2025 yagaragaje ko ubuzima bw’abanyamakuru bo muri Repubulika Iharanira Demokarasi ya Congo buri mu kaga kuko kuva mu 2019 hamaze kwicwa 12.

Iyi raporo yasohotse ku wa 22 Ugushyingo 2025 igaragaza ko hagati ya 2001 na 2018, abanyamakuru 15 bishwe naho babiri baburirwa irengero ku butegetsi bwa Kabila.

Ku butegetsi bwa Tshisekedi, kuva mu 2019 kugeza mu Ugushyingo 2025, habaruwe abanyamakuru 12 bishwe naho bane baburiwe irengero.

Iyi raporo igaragaza ko ubwicanyi no kuburirwa irengero ku banyamakuru byiyongereye ku butegetsi bwa Tshisekedi ugereranyije no ku butegetsi bwa Kabila.

Umubare w’abanyamakuru bafunzwe wariyongereye, kuko hagati ya 2001 na 2018 hafunzwe24 mu gihe kuva mu 2019 bageze kuri 28.

Ishimangira ko umudendezo w’itangazamakuru ukiri “mu kaga” mu gihe abategura n’abashyira mu bikorwa ibi byaha bakomeza kwidegembya ntawe ubibazwa.

Imiryango itari iya Leta muri Congo yasabye ko ubu bwicanyi buhagarara, ubwisanzure bw’itangazamakuru bukubahirizwa.

Like This Post?

• Share On:

Related Posts

---