Perezida Umaro Sissoco Embaló wa Guinea-Bissau yatangaje ko yahiritswe ku butegetsi ndetse anafungirwa mu Ngoro ye.

Uyu mutegetsi yatangaje ibi kuri uyu wa Gatatu tariki ya 26 Ugushyingo 2025.

Perezida Umaro Sissoco Embaló yabwiye Jeune Afrique ko yafunzwe ahagana saa Sita ari mu Biro bye, ko kandi n’Umugaba Mukuru w’Ingabo, Gen. Biague Na Ntan, Umugaba Mukuru w’Ingabo Wungirije, Gen.Mamadou Touré ndetse na Minisitiri w’Umutekano w’imbere mu Gihugu, Botché Candé bafunzwe.

Yavuze ko ibyakozwe ari uguhirika ubutegetsi. Mu Kuboza 2023 nabwo habaye igeragezwa rya ‘coup d’etat’ irapfuba.

Ibitangazamukuru birimo RFI na Jeune Afrique byatangaje ko mu Murwa Mukuru Bissau haramukiye urusaku rw’imbunda nini ndetse n’into by’umwihariko mu mihanda yerekeza ku Biro by’Umukuru w’Igihugu.

Muri iki Gihugu giherereye mu Burengerazuba bwa Afurika habaye ‘guhirika ubutegetsi’ mu gihe hari habaye amatora y’Umukuru w’Igihugu tariki ya 23 Ugushyingo 2025.

Ibyayavuye bizatangazwa ku wa Kane tariki 27 Ugushyingo 2025.

Umaro Sissoco Embaló uri ku butegetsi kuva mu 2020 yari yavuze ko we ubwe yatsinze amatora ku majwi 65%.

Fernando Dias da Costa bayahanganiyemo nawe ubwe avuga ko yatsize amatora.

Umuco wo guhirika ubutegetsi bwa ggisivili maze gukwira muri Afurika y’u Burengerazuba aho mu myaka ya vuba , ibihugu birimo Mali, Burkina Faso, Niger, na Guinea Conakry, a