Yanditswe na: NSENGIYUMVA J Damascene
27/11/2025 16:55
Abagabo babiri bo mu Murenge wa Butare mu Karere ka Rusizi bitabye Imana nyuma yo kugwirwa n’ikirombe bacukuragamo zahabu mu buryo bukurikije amategeko.
Iyi mpanuka yabereye
mu Mudugudu wa Byimana, Akagari ka Rwambogo, Umurenge wa Butare ku wa 26
Ugushyingo 2025.
Abitabye Imana ni Tuyishime Wilson w’imyaka 24 na Habumukiza
Alexis w’imyaka 45.
Ubuyobozi bw’Ikigo New Kush Rwanda Ltd gicukura zahabu mu
Murenge wa Butare, iyi mpanuka ikimara kuba bwihutiye kubimenyesha ubuyobozi
bw’inzego z’ibanze.
Umunyabanga Nshingwabikorwa w’Umurenge wa Butare, Ntibizera Jean
Pierre yatangaje ko bakimenya aya makuru bihutiye gushaka uko abagwiriwe
n’ikirombe bakurwamo.
Ati “Twabasabye ko bakoresha ingufu bakabakuramo vuba bishoboka.
Byageze Saa Cyenda bamaze kuvamo basanga bombi bapfuye”.
Ntibizera avuga ko iyi mpanuka yatewe no koroha k’ubutaka bitewe
n’uko imvura imaze iminsi igwa.
Ati “Hari abantu benshi twaganiriye na bo tubaha ubutumwa
bw’ihumure, dusaba ba nyiri ikirombe kugira amakenga.”
Imirambo y’abitabye Imana yajyanywe mu Bitaro bya Mibilizi gukorerwa isuzuma mbere y’uko ishyingurwa.
Like This Post? Related Posts
