Yanditswe na: NSANZABERA Jean Paul
12/12/2025 10:46
Ibihembo bya
2026 Grammy Awards bya mbere ku Isi mu myidagaduro n’umuziki, byamaze gutangaza
abahanzi bahatanye mu byiciro bya Gospel na Contemporary Christian Music.
Aba bahanzi
batandukanye, bafite impano ikomeye. Mu cyiciro cya Best Gospel
Performance/Song, Kirk Franklin yahawe nomination ku ndirimbo we “Do It Again”.
Ku rundi
ruhande, Tasha Cobbs Leonard na John Legend, hamwe n’abanditsi b’indirimbo
Anthony S. Brown, Brune Charles, Annatoria Chitapa, Kenneth Leonard Jr., Tasha
Cobbs Leonard na Jonas Myrin, bahawe nomination ku ndirimbo “Church”.
Jonathan
McReynolds na Jamal Roberts, hamwe n’abanditsi Delagra Entiss, Dlo_the_Great,
Orlando Joel Palmer na Terrell Demetrius Wilson, bahatanye ku ndiriimbo “Still
(Live)”, mu gihe Pastor Mike Jr., hamwe n’abanditsi Adia Sings, Michael McClure
Jr., David Lamar Outing II na Terrell Anthony Pettus, bahatanye ku ndirimbo
“Amen”, naho CeCe Winans hamwe na Pastor Caesar bahawe nomination ku ndirimbo
“Come Jesus Come”.
Mu cyiciro
cya Best Contemporary Christian Music Performance/Song, abahanzi batanze
ibihangano bikomatanyije ubuhanzi bugezweho n’ubutumwa bwa gikristu, harimo
Elevation Worship, Chris Brown na Brandon Lake, bafatanyije n’abanditsi Hank
Bentley, Steven Furtick, Brandon Lake na Jacob Sooter ku ndirimbo “I Know A
Name”.
Hi Forrest,
hamwe n’abanditsi Forrest Frank na Pera Krstajic, bahawe nomination ku ndirimbo
“YOUR WAY’S BETTER”, mu gihe Brandon Lake hamwe na Jellyroll, hamwe n’abanditsi
Chris Brown, Jason Bradley Deford, Steven Furtick, Benjamin William Hastings na
Brandon Lake, bahatanye ku ndirimbo “Hard Foughtt Hallelujah”.
Indi
collaboration ikomeye ni iy’abahanzi Lecrae, Killer Mike na Tip, bafatanyije
n’abanditsi Bongo By The Way, Clifford Harris, William Roderick Miller, Lecrae
Moore, Michael Render na Tyshane Thompson ku wimbo “Headphones”, ndetse na
Musiq City hamwe na PJ Morton bahawe nomination ku ndirimbo “Amazing”.
Ku birebana
n’icyiciro cya Best Gospel Album, abahanzi bagaragaje ubushobozi bwo gukora
album zifite ubutumwa bukomeye kandi zifite ireme, harimo Yolanda Adams ku
album ‘Sunny Days’, Tasha Cobbs Leonard kuri ‘Tasha’, Tamela Mann kuri ‘Live
Breathe Fight’, Tye Tribbett kuri ‘Only On The Road (Live)’, ndetse na Darrel
Walls na PJ Morton kuri album ‘Heart Of Mine’.
Abahanzi
benshi bamaze kugaragaza ibyishimo n’ishema batewe na byo ku mbuga
nkoranyambaga zabo, bishimira kuba bahataniye ibihembo bita iby’icyubahiro,
ndetse banashimira abakunzi n’abafatanyabikorwa babo mu muziki, aho Jonathan
McReynolds yashyize ahagaragara ibyishimo bye akoresheje emojis, mu gihe Adia
Sings yavuze ko yumvise “Yubashywe” kuko yatoranyijwe.
Ibihembo bya
2026 GRAMMY Awards bitegerejwe n’isi yose, aho abakunzi ba Gospel na
Contemporary Christian Music bategereje kureba abahanzi bazegukana ibihembo,
bishimira uburyo umuziki wabo uhora uhumuriza abantu benshi, ukanaha icyizere
abatuye ku isi yose.
Like This Post? Related Posts
