Yanditswe na: NSENGIYUMVA J Damascene
13/12/2025 00:26
Igisirikare cya Afurika y’Epfo (SANDF) cyemeje ko zimwe mu ngabo zacyo zoherejwe mu butumwa bw’Umuryango w’Abibumbye (UN) muri Repubulika ya Demokarasi ya Congo (DRC), zirimo ishami rikoresha Kajugujugu (CHU) n’ingabo zo mu Mutwe udasanzwe ushinzwe Gutabara Byihuse (QRF), bagiye gutaha.
Ku itariki ya 5 Ukuboza, umuyobozi wa SANDF
ushinzwe ibikorwa bihuriweho, Lt. Gen. Siphiwe Sangweni, yatangarije ibi imbere
ya Komisiyo y’Inteko Ishinga Amategeko ishinzwe Umutekano (JSCD) kuri Operation
Mistral, umusanzu wa SANDF mu butumwa bw’Umuryango w’Abibumbye muri DRC, ku
itariki ya 5 Ukuboza.
Mu kiganiro kigufi, yavuze ko
Umuryango w’Abibumbye ufite ibibazo by’amafaranga mu butumwa bwawo
butandukanye, ibyatumye habaho kugabanya abakozi n’ibikoresho, harimo no muri
MONUSCO.
Kubera iyo mpamvu, Ingabo za Afurika
y’Epfo ziri muri MONUSCO zahagaritswe muri uyu mwaka zirimo ishami rya
kajugujugu hamwe n’ingabo zo mu mutwe wo gutabara byihuse (Quick Reaction
Force), ingabo za Batayo ya Afurika y’Efo zo muri Brigade ishinzwe Gutabara
Byihuse (Force Intervention Brigade) zagabanyijwe.
SANDF izakomeza gutanga umusanzu mu
mutwe ushinzwe ubutasi uzwi nka Tactical Intelligence Unit wa Force
Intervention Brigade (FIB), kandi aba bantu bartegura gusimburwa, ibi biba buri
mezi cumi n’abiri.
Umuyobozi mukuru wa Freedom Front
Plus, Whip Wouter Wynand Wessels, aherutse kubaza Minisitiri w’ingabo, Angie
Motshekga icyo abakozi ba SANDF bagumye muri DRC bakora. Yasobanuye ko muri
Operation Mistral, abakozi ba SANDF boherejwe mu rwego rwa Batayo ya Afurika
y’Epfo, harimo ishami ry’ubutasi, itsinda ryo kwimura mu kirere abakeneye
ubuvuzi, ishami rya kajugujugu hamwe n’umutwe wo gutabara byihuse.
Motshekga yarashubije ati: “Umuryango
w’Abibumbye (UN) uri mu nzira zo kugabanya ingabo zoherejwe muri na MONUSCO
ziva mu bihugu bitandukanye byatanze umusanzu w’ingabo, mu buryo bw’ibyiciro,
aho gahunda ya SANDF yari iteganijwe gutangira guhera ku itariki ya 4 Ukwakira
2025.”
Mu kiganiro yagejeje kuri komite ishinzwe ingabo n’abahoze mu gisirikare (PCDMV) ku itariki ya 12 Ugushyingo ku mikorere yayo y’igihembwe cya mbere n’icya kabiri mu mwaka w’ingengo y’imari wa 2025/26, Minisiteri y’Ingabo (DoD) yavuze ko QRF (Quick Reaction Force) iri kuzinga kandi ko iri mu nzira yo gusubira muri Afurika y’Epfo, kandi ishami rya Kajugujugu i Goma ryafunzwe risubira muri Afurika y’Epfo ku itariki ya 1 Nyakanga 2025.
