• Bitunguranye AFC/M23 ifashe gahunda yo kurambika intwaro

Ihuriro Alliance Fleuve Congo (AFC/M23) rimenyesha imiryango mpuzamahanga n’iyi imbere mu gihugu  ko ryafashe icyemezo cyo guhagarika imirwano mu rwego rwo gushyigikira intambwe ikomeje guterwa mu gahururira amahoro inzira. 

Ni ubutumwa AFC/M23 ibinyujije kuri X (twitter) y’ubuvugizi wayo Lawrence Kanyuka yatangaje mu gitondo cyo kuri uyu wa gatanu 19 ukuboza 2025.

Ihuriro AFC/M23 rivuga ko mu gihe, ubutegetsi bwa Kinshasa bukomeje gushyira mu bikorwa umugambi wo gutsemba ku buryo bwateguwe abaturage bacu, mu buryo bunyuranyije n’amasezerano n’imihigo yose bwari bwarafashe.

Ingabo zifatanyije zishyigikiye ubutegetsi bwa Kinshasa zikomeje ibitero bigambiriwe ku birindiro byacu ndetse no ku duce dutuwe cyane n’abasivili.

Kuri uyu wa Gatanu, tariki ya 19 Ukuboza 2025:

Guhera saa kumi n’imwe za mu gitondo (5h00), izo ngabo zifatanyije zagabye ibitero zikoresheje drones ziturika (drones kamikaze) n’ingabo zo mu mazi, zigamije utundi duce dutuwe cyane ndetse n’ibirindiro byacu biri i Makobola, ziturutse i Baraka.

Saa kumi n’imwe n’igice (5h30), izo ngabo zongeye kugaba ibitero i Minembwe zikoresheje drones n’intwaro ziremereye bitera ubwoba bukabije mu baturage b’abasivili.

AFC/M23 irahamagarira abaturage ba Repubulika Iharanira Demokarasi ya Congo n’abafatanyabikorwa mpuzamahanga kuba abahamya b’izi nshuro nyinshi zo kurenga ku gahenge, bikorwa ku bushake, ndetse n’iyicwa rikomeje ry’abaturage bacu.

Ibi bikorwa bigaragaza nta gushidikanya ko ubutegetsi bwa Kinshasa butagamije amahoro cyangwa kurinda abasivili, ahubwo bukomeje gutsimbarara ku gukomeza urugomo n’umuco wo kudahana.

Like This Post?

• Share On:

Related Posts

---