Yanditswe na: NSENGIYUMVA J Damascene
27/12/2025 11:36
Abaturage bahagarariye abandi muri Teritwari ya Walikale, igice kiyoborwa n’Ingabo za Leta ya Repubulika Iharanira Demokarasi ya Congo basabye ihuriro AFC/M23 gukora ibishoboka byose rigafata aka gace rikabakiza ibitero bya FDLR na Wazalendo.
Itangazo ryasohowe
n’abahagarariye abaturage bo muri Walikare rigaragaza ko barambiwe urugomo
n’ibitero bya FDLR, Wazalendo na bamwe mu basirikare ba FARDC.
Basabye AFC/M23 gukomeza “kwigarurira ibindi bice bigenzurwa na
Guverinoma ya Congo hagamijwe kubohora abaturage b’abasivili bahohoterwa.”
AFC/M23 yatangaje ko Walikale yabaye indiri ya FDLR na Wazalendo
“bajujubya abaturage bafatanyije kandi bashyigikiwe na bamwe mu bo muri FARDC”
Iti: “Ibi bituma abaturage bo mu gace bakomeza kubura umutekano
kubera ihohoterwa, gutwika no guhutaza uburenganzira bwa muntu.”
