• Rulindo: Padri afunzwe azira kurenga ku mabwiriza

Padiri Gakuba Celestin ukorera muri Paruwasi ya Rutonde mu karere ka Rulindo yatawe muri yombi nyuma yo gusomera misa muri kiriziya yafunzwe muri ya nkundura yo gufunga insengero zitujuje ibisabwa, ibifatwa nko kurenga ku mabwiriza.

Ubuyobozi bw'akarere ka Rulindo bwafungiye Padiri Gakuba Celestin mu kigo cy'inzererezi (Transit Center) y'ahitwa I Tare, ahava azanwa muri station ya polisi itaratangajwe mu mujyi wa Kigali.

Ku wa 24 Ukuboza 2025 yanditse ati: "Hari amakuru ndi gukura i Rulindo muri Paruwasi ya Rutonde/Shyorongi ko hari umu Padiri w'iyi Paruwasi ubu urimo kubarizwa muri Transit Center ya Tare, amakuru avuga ko uyu mu Padiri yakoreye Misa ahantu hafunze(habujijwe gusengerwa) ku Cyumweru nibwo yahise afatwa ajyanwa muri Transit.

Uyu mu Padiri bivugwa ko hari abandi yagiye asangayo nabo bo mu Bagorozi bamazemo ibyumweru bisaga 3,...Akarere ka Rulindo hakoreramo paruwasi imwe nabwo bigizwemo uruhare na Karidinali Kambanda."

Ku wa 25 Ukuboza 2025 yanditse ko "Padiri yamaze kwimurirwa mu mujyi wa Kigali ku busabe bwa Karidinali Kambanda kuko iyi Paruwasi ya Rutonde ibarizwa muri Arikediyosezi ya Kigali, amakuru avuga ko ubu Padiri ari muri Transit Center y'i Gikondo ahazwi nko kwa Kabuga,..Abandi bari kumwe nawe i Tare mu karere ka Rulindo, bo basigayeyo nabo bafashwe basenga bamaze Ukwezi."

Paruwasi ya Rutonde ibarizwa mu Karere k’ikenurabushyo ka Buriza-Bumbogo. Aho ni mu ntara y’amajyaruguru, akarere ka Rulindo, umurenge wa Shyorongi, akagari ka Rutonde, umudugudu wa Rutonde.

Paruwasi Rutonde ihana imbibi na Paruwasi zikurikira: mu majyaruguru, Paruwasi Muhondo; iburengerazuba, Paruwasi Gihara na Paruwasi Kabuga ( Diyosezi ya Kabgayi); iburasirazuba Paruwasi Shyorongi ari nayo iyibyara naho mu majyepfo igahana imbibi na Paruwasi y’umuryango mutagatifu.

Paruwasi ya Rutonde kandi ifite ibikorwa remezo bitandukanye birimo nk’ibigo by’amashuri Gatolika bibiri(2) aribyo: Ishuri ribanza rya Nyundo n’ishuri Ribanza rya Rutonde ndetse n’Ikigo nderabuzima cya Rutonde.

 

Like This Post?

• Share On:

Related Posts

---