Ikipe y'igihugu y'u Rwanda mu mukino wa Handball w'igikombe cy'Afurika, yatsinzwe irushwa na Algeria ku bitego 46 kuri 25.

Ku isaha ya Saa Moya z'ijoro zo ku wa Kane tariki 22 Mutarama 2026, nibwo ikipe y'igihugu y'u Rwanda ya Handball yakinnye umukino wa Kabiri w'igikombe cy'Afurika n'ikipe y'igihugu ya Algeria. 

Ni umukino wabaye abakunzi benshi b'uyu mukino hano mu Rwanda bafitiye icyizere ikipe y'igihugu ariko iza kubatenguha itsindwa na Algeria ibitego 46-35.

Ikipe y'igihugu ya Algeria yakinanye imbaraga nyinshi uyu mukino ndetse irangwa no kugarira imipira myinshi u Rwanda rwajyaga gutera mu izamu bijyanye n'abakinnyi b'imbaraga bafite n'umuhanga buhambaye bayobowe na Ayoub Hamdi, bituma itahana intsinzi.

Ikipe y'igihugu ya Algeria yaje gukina uyu mukino nyuma yo gutsindwa umukino wa mbere n'ikipe y'igihugu ya Nigeria ku manota 25-23. Ni mu gihe kandi ikipe y'igihugu y'u Rwanda umukino wa mbere yatsinze ikipe y'igihugu ya Zambia amanota 30-19.

Ikipe y'igihugu ya Nigeria nayo muri iri tsinda rya mbere yari yamaze gutsinda ikipe y'igihugu ya Zambia ibitego 38 kuri 16 bituma ikomeza kuyobora mu gihe u Rwanda na Algeria binganya amanota naho ikipe y'igihugu ya Zambia iri inyuma kuko nta mukino iratsinda.

Uko andi makipe yatsindanye

Gabon yatsinze Uganda ibitego 33-16, Misiri itsinda Angola 41-28 mu Itsinda B

Cameroon yatsinze Kenya 28-24, Tunisia itsinda Guinea 35-25 mu Itsinda C

Cap-Vert itsinda Marocco 33-28, maze Congo Brazzaville itsinda Benin ibitego 26-22 mu Itsinda D.