• Gatsata: Bamwe mu bagore bahamya ko batihanganira abagabo batazi gutera akabariro bakishakira abapfubuzi

Bamwe mu bagore batuye mu kagari ka Nyamabuye barahamya ko iyo abagabo batabashimisjije mu buriri bishakira abapfubuzi. Bavuga ibi mu gihe hari abavuga ko ibi biri mu biri gusenya ingo z’iyi minsi.

Umwe mu bagore batuye mu murenge wa Gatsata akagari ka Nyamabuye bavuga ko hari ubwo abagabo bahugira mu nzoga cyangwa akazi bakibagirwa kunoza igokorwa cy’abashakanye cyo gutera akabariro ibi ngo bigatuma bamwe bahitamo gushaka abandi baryamana bazwi nk’abapfubuzi biganjemo abasore bafite imbaraga bazi gusambana.

Ku ruhande rw’abagabo bavuga ko akenshi umugabo arangwa no gushakira urugo ikiruteza imbere nyamara rimwe na rimwe umugore ashishikajwe no kumuca inyuma kubera ko we aba yatashye ananiwe mu gutera akabariro agakoraho akashoboye. Ibi bavuga ko bitera amakimbirane mu ngo.

Hashize iminsi ikibazo cy’ingo zirangwamo amakimbirane kivugwa cyane ahanini ababisesengura bakavuga ko kutanoza amabanga y’abashakanye no gucana inyuma bifitemo uruhare runini kugeza n’ubwo bamwe batse gatanya.

Nanone kandi abahanga mu mibanire bavuga ko kimwe mu bituma umuntu ashaka kubaka urugo harimo gukora imibonano mpuzabitsina ihoraho. Akenshi rero hari ubwo umwe mu bubatse aba yarasambanye mbere y’uko akora ubukwe, maze agahora agereranya uwo babana n’abo baryamanye mbere, ibi bigatuma ajarajara mu bandi.

Hari abandi basanga abo babana bafite intege nke mu mubiri (uburemba), cyangwa bakagira uburwayi butuma badakora imibonano. Ibyo bemeza ko  bizana ibibazo byinshi birimo amakimbirane ahoraho, agasuzuguro, gucana inyuma,  n’ibindi,... Ibi iyo bigitangira birihanganirwa ariko akenshi birangira bamwe bagiye mu busambanyi cyane.

Like This Post?

• Share On:

Related Posts

---