• Kigali – Gatsata: Amabandi yambura abantu abanje kubakubita

Bamwe mu bagenda n’abakorera mu bice by’umurenge wa Gatsata birimo akagari ka Nyamabuye na Gatsata bavuga ko babangamiwe n’umutekano muke uterwa n’amabandi abategera mu nzira zirimo inyura ahazwi nka Rehoboth werekeza mu murenge wa Jali bakabambura ibyo bafite ndetse bakahakorera ubugizi bwa nabi barasaba umutekano wihariye.

Aba baturage bavuga ko muri aka gace uva mu Gatsata werekeza mu murenge wa Jali hateye ubwoba kuko nta minsi ishira hadategewe umuntu akamburwa ibye nka telefone amafaranga n’ibindi. Ndetse hakaba n’ubwo ibi bisambo bikubita abantu. Bagsaba umutekano kuko bo ngo banakeka ko abanyerondo bakorana n’ibyo bisambo.

Umuvugizi wa Polisi mu mujyi wa Kigali CIP Wellars Gahonzire avuga ko ikibazo cy’umutekano muri ibi bice bari kukitaho kimwe n’ahandi.

Mu mirenge ikunze kuvugwamo umutekano muke mu mujyi wa Kigali harimo n’uwa Gatsata, cyane cyane mu tugari twa Nyamabuye na Gatsata.

Like This Post?

• Share On:

Related Posts

---