Yanditswe na: NIYONSENGA Schadrack
16/03/2026 17:35
Abaturage bo mu mujyi wa Kigali mu karere ka Gasabo mu Murenge wa Bumbogo, mu
Kagali ka Mvuzo, mu Mudugudu wa Kigabiro
bahamagaye Polisi bavuga ko hari moto babonye iri kugurishwa n’abasore babiri
kandi bikekwa ko yibwe, abapolisi bageze aho iyo moto (RJ 555 C) iri kugurishirizwa
babatse ibyangombwa bya moto barabibura, Polisi yahise ibafata uko ari babibiri barimo uwitwa Habimana Patrick w'imyaka 19s na Iradukunda Kevin w'imyaka 17.
Bakimara gufatwa bagaragaje ko iyo moto bayibye tariki ya
12/03/26, mu Karere ka Gicumbi mu Murenge wa Nyamiyaga, Akagali ka Jambo, ubwo
yari paritse mu isanteri ya Kagamba, bakaba bari bagiye kuyigurisha amafaranga
ibihumbi ijana (100.000), nyuma yo gukurikirana abapolisi basanze ari iya
Nyamvura Florida nyuma yo kugaragaza ko imoto ari iye yayisubijwe.
Polisi irashimira abaturage batanze amakuru iyo moto
igafatwa igasubizwa nyirayo, Polisi Kandi iraha gasopo abajura bumva ko
bazatungwa n’ibijurano kubireka bagashaka indi mirimo yo gukora, ubujura
ntibukiza ahubwo burakenya.
Abasore bafashwe bafungiye kuri sitasiyo ya Polisi ya
Bumbogo ngo bakorerwe amadosiye bashyikirizwe ubugenzacyaha.
