• #Kwibuka32 : Abanyabugeni b'inzu yitwa Inkingi Arts Space basuye urwibutso rwa Jenoside rwa Kigali

Mu gihe abanyarwanda n’isi yose  bibuka ku nshuro ya 32 Jenoside yakorewe Abatutsi  muri 1994 ,Urubyiruko rw’abanyabugeni  rukorera mu Inkingi  Arts Space rwiyemeje kwirinda icyasubiza u Rwanda mu bihe  nkibyabayeho muri kiriya gihe .

 Igikorwa cyo  gusura Urwibutso rwa Jenoside  rwa Kigali cyabaye kuri  uyu wa gatandatu  tariki ya 18 Mata 2026 gitangizwa n’urugendo  rwatangiriye ku  cyicaro cy’Inkingi Art Space imbere ya  Minubumwe rwerekeza  ku Rwibutso rwa Gisozi.

Aba banyabugeni ubwo bari  bageze  ku Rwibutso  rwa Jenoside rwa Kigali babanje gusobanurirwa  amateka  y’uko Jenoside  yakorewe Abatutsi yateguwe kuva  ku ngoma z’abakoloni kugeza  kuri Repubulika ya Kabiri ari nayo yaje  gushyira mu bikorwa jenoside yahitanye Abatutsi barenga Miliyoni mu gihe cy’Iminsi ijana .

Nyuma yo gusobanurirwa ayo mateka abo banyabugeni batemberejwe mu Rwibutso  imbere berekwa byinshi  mu bikoresho bya Gakondo byifashishijwe mu  kwica Abatutsi  ndetse n’andi mateka  akomeye ya Jenoside zabaye kw’isi zikomeye.

Ubwo bamaraga gusura Urwibutso hakurikiyeho umwanya wo kunamira Abatutsi barenga ibihumbi 250 bashyinguye mu cyubahiro aho ku Gisozi  maze bashyira n’indabo ku mva bashyiguye mu rwego rwo kubaha icyubahiro  cyabo .

Mu butumwa yatanze  nyuma yo kwibonera uko Jenoside  yakorewe Abatutsi  yateguwe  ndetse ikanashyirwa mu bikorwa Kwitonda Olivier  washinze Inkingi Arts Space akaba n’Umuyobozi mukuru wayo  yatangarije BTN Rwanda byinshi yakuye  mu gusura uru urwibutso rwa Jenoside rwa Kigali .

Yagize  ati : Nyuma yo  kumva amateka yaranze  Jenoside yakorewe Abatutsi mu Rwanda nk’Umusore  icyo gihe wari mutoya cyane nkuyemo isomo  rikomeye kuko ibyabaye mu Rwanda birenze kamere ya muntu .

 Yasabye  urubyiruko muri rusange kwigira hamwe nk’abanyarwanda kandi  rukirinda  icyarusubiza muri biriya bihe byagwiririye u Rwanda muri 1994.

Yakomeje asaba urubyiruko  gukomeza gutecyereza icyaruteza imbere rwirinda abantu bose bafite ingengabitekerezo ya Jenoside ndetse n’abayipfobya  banyuze mu nzira nyinshi zirimo n'imbuga nkoranyambaga

Like This Post?

• Share On:

Related Posts

---