Yanditswe na: NDAYISENGA Clement
21/04/2026 11:58
Polisi ya Kenya iri kurinda umutekano mu bice bitandukanye by’imijyi ya Mombasa na Nairobi, yitegura guhosha imyigaragambyo yateguwe n’abatishimiye izamuka ry’ibiciro by’ibikomoka kuri peteroli.
Urwego rushinzwe kugenzura ingufu n’ibikomoka kuri peteroli muri Kenya, EPRA, ku wa 14 Mata 2026 rwatangaje ko ibiciro bishya byazamutse cyane: lisansi yiyongereyeho 16,1%, mu gihe mazutu yiyongereyeho 24,2%. Ibi bisobanuye ko mazutu yiyongereyeho Shilingi 40, naho lisansi yiyongereyeho Shilingi 28, ikintu kitigeze kigerwaho mu bihe byashize.
Aya mahinduka yateje impagarara, bituma hatangira gutegurwa imyigaragambyo yo kugaragaza kutishimira abashyizweho, yari iteganyijwe ku wa 21 Mata 2026, igamije guhagarika ibikorwa mu mijyi ya Mombasa na Nairobi.
NTV Kenya ivuga ko kugeza ubu nta bimenyetso by’imyigaragambyo byagaragaye mu gace k’ubucuruzi ka Nairobi, ariko hagiye kuboneka abapolisi benshi bari bambaye imyambaro yo kurinda umutekano, bafite ingofero, inkoni, n’ibikoresho byo kwirinda kugira ngo batagira icyo bikomeretsa mu gihe habaho amakimbirane n’abigaragambya.
Abaturage ba Kenya basaba ko habaho kugabanya ibiciro by’ibikomoka kuri peteroli, harimo no gukuraho umusoro ku nyongeragaciro kuri lisansi. Perezida William Ruto yari yahawe iminsi irindwi yo gufata ingamba zo gukemura iki kibazo.
Like This Post? Related Posts
