• Maroc : Ingabo z’Amerika zabonye umurambo w’umusirikare wa kabiri wari waburiwe irengero

 

Ingabo za leta zunze ubumwe z’Amaerika  zatangaje ko zabonye umurambo w’umusirikare wa kabiri wari waburiwe irengero muri Maroc mu gihe cy’imyitozo ya gisirikare ya “African Lion 2026”.

Abo basirikare bombi baburiwe irengero ku wa Gatandatu ushize hafi y’urutare ruri ku nkombe z’inyanja ya Atlantique muri Maroc, mu gihe bari mu myitozo mpuzamahanga ya gisirikare.

Umurambo w’umusirikare w’umukobwa Mariyah Collington w’imyaka 19 wabonetse ku wa Kabiri mu buvumo bwo hafi y’inyanja.

Ku wa Gatatu ni bwo habonetse umurambo wa kabiri, bituma ibikorwa bikomeye byo gushakisha byari bimaze iminsi bihagarara.

Nk’uko ingabo za Amerika zabitangaje, imibiri y’abo basirikare yajyanywe mu bitaro bya gisirikare byo muri Maroc mbere yo koherezwa muri Amerika hifashishijwe indege ya gisirikare yo mu bwoko bwa C-130.

Mu gihe cy’icyumweru kimwe, abasirikare n’abasivili barenga igihumbi bo muri Amerika ,Maroc ndetse n’ibihugu by’inshuti bitabiriye ibikorwa byo gushakisha abo basirikare bifashishije imodoka zo ku butaka ,indege ndetse amato n’ibikoresho byo mu mazi mu gushakisha ahantu hafite ubuso burenga kilometero kare 21,000.

Ingabo za Amerika zavuze ko iperereza rigikomeje kugira ngo hamenyekane neza icyateye uru rupfu.

Umwe mu bayobozi ba gisirikare ba Amerika wavuganye n’AFP yavuze ko bishoboka ko abo basirikare bombi baba baraguye mu nyanja ku bw’impanuka.

Kugeza ubu, inzego za gisirikare zavuze ko nta kimenyetso na kimwe kigaragaza igikorwa cy’iterabwoba.

Imyitozo ya “African Lion 2026” iri mu myitozo ikomeye ya gisirikare ibera ku mugabane wa Afurika.i huza ingabo zo mu bihugu bitandukanye birimo:Leta Zunze Ubumwe z’Amerika ,Maroc n’ibindi bihugu bifatanyabikorwa

Iyo myitozo iba igamije kongerera ubushobozi ingabo ,guteza imbere ubufatanye no guhangana n’ibibazo by’umutekano mu karere

 

 

 

 

Like This Post?

• Share On:

Related Posts

---