Yanditswe na: TUYIZERE Mubaraka
23/05/2026 20:35
APR FC yatsinze Rayon Sports kuri penalty, yegukana igikombe cy'amahoro cya 2026, mu mukino amakipe yombi yari yanganyije 1-1
Amakipe yombi yatangiye atinya kwirekura ngo asatirane, ariko APR FC igacishamo igasatira, mu gihe Rayon Sports yo wabonaga ihuzagurika, ku munota wa 17 APR FC yabonye uburyo bwiza imbere y'izamu, ariko Djibril Oautara awutera hejuru y'izamu ,ku munota 25 APR FC yongeye kubona uburyo bwiza , nabwo Memel Dao abupfusha ubusa.
Ku munota wa 42 Rayon Sports yabonye penalty , ku ikosa Hakizimana Dolphe yakoreye Asman Ndikumana, ndetse ku munota wa 44 ayinjiza neza , bajya kuruhuka Rayon Sports iyoboye n'igitego 1-0 .
Igice cya 2 APR FC yatangiye iri hejuru cyane , ndetse ku munota wa 50 yishyura igitego cyatsinzwe na William Togui, ku mupira wari uhinduwe na Djibril Oautara, ikipe ya APR, niyo yahiriwe n'igice cya 2 , kuko yabonyemo uburyo bwinshi imbere y'izamu, ku munota wa 90 ikipe ya Rayon Sports yabonye uburyo bwiza , ariko umupira Mugisha Didier yateye mu izamu , Dolphe Hakizimana awukuramo .
William Togui watsinze igitego cyo kwishyura
Umukino warangiye amakipe yombi anganya 1-1 maze bajya muri penalty, ikipe ya APR FC yegukana igikombe itsinze penalty 4-2 , Asman Ndikumana na Olivier Kwizera ba Rayon Sports barazihusha
