• Afurika y’Epfo: Umuryango wa Edgar Lungu wemerewe gufata icyemezo ku ishyingurwa rye

Urukiko rwo muri South Africa rwemeje ko umuryango wa Edgar Lungu, wahoze ari Perezida wa Zambia, ari wo uzagira ijambo rya nyuma ku buryo n’aho azashyingurwa.

Iki cyemezo cyafashwe nyuma y’impaka zari zimaze iminsi hagati y’umuryango wa Lungu na Guverinoma ya Zambia ku bijyanye n’imihango yo kumushyingura. Urukiko rwagaragaje ko umuryango ufite uburenganzira bwo gufata ibyemezo birebana n’umubiri w’umuntu wapfuye no gutegura umuhango wo kumusezeraho.

Edgar Lungu yapfuye ari muri Afurika y’Epfo aho yari yaragiye kwivuriza. Nyuma y’urupfu rwe, habaye kutumvikana hagati y’abagize umuryango we n’ubuyobozi bwa Zambia ku buryo yagombaga guherekezwa no ku rwego rwa leta rwagombaga kugira uruhare muri uwo muhango.

Abagize umuryango wa Lungu bavuze ko bishimiye icyemezo cy’urukiko kuko cyubahirije ibyifuzo by’umuryango ndetse n’ibyo nyakwigendera yari yarifuje mbere y’urupfu rwe.

Ku ruhande rwa Guverinoma ya Zambia, abayobozi batangaje ko bubaha icyemezo cyafashwe n’urukiko kandi ko bazakomeza gukorana n’umuryango kugira ngo umuhango wo gushyingura Edgar Lungu ugende neza kandi mu cyubahiro gikwiye uwahoze ayobora igihugu.

Edgar Lungu yabaye Perezida wa Zambia kuva mu mwaka wa 2015 kugeza mu 2021. Mu gihe cye ku butegetsi, yagize uruhare rukomeye muri politiki y’igihugu, ndetse akomeza kuba umwe mu banyapolitiki bakomeye na nyuma yo kuva ku butegetsi.

Icyemezo cy’urukiko cyo guha umuryango uburenganzira bwo gufata umwanzuro ku ishyingurwa rye cyatumye hasubira ituze nyuma y’impaka zari zimaze iminsi zikurikirwa cyane n’abaturage ba Zambia ndetse n’abo mu karere k’Afurika y’Amajyepfo.

 

Like This Post?

• Share On:

Related Posts

---