Yanditswe na: NSANZABERA Jean Paul
31/08/2026 16:46
Umunyabigwi mu mukino w’amagare, Tadej Poga?ar, yagaragaje ko ari mu bitaro nyuma yo gukomereka bikomeye, ibyatumye asezera muri Vuelta a España.
Poga?ar, wari uyoboye isiganwa ku mwanya wa mbere, yakoze impanuka ku wa Gatandatu ubwo hakinwaga icyiciro cya munani cya Vuelta a España, bituma ahatirwa kuva muri iri siganwa.
?Uyu Munya-Slovenia w’imyaka 27 yashyize ifoto kuri Instagram imugaragaza aryamye ku gitanda cy’ibitaro, yambaye akuma gafasha ijosi ndetse afite igipfuko hafi y’ijisho ry’iburyo no ku kuboko kw’iburyo. Byerekanye ko nubwo yakomeretse cyane, aracyafite akanyamuneza.
?Raporo y’abaganga yatangajwe n’ikipe ye yavuze ko Poga?ar yagize ihungabana ry’ubwonko nyuma yo kuvunika kw’igufa ry’ibumoso rihuza urutugu n’umubiri (clavicle), kuvunika mu gice cy’umugongo ndetse n’ibikomere byinshi ku mubiri.
?Nubwo yakomeretse, ikipe ye yatangaje ko ku bw’amahirwe atagize ibindi bikomere bikomeye kandi ko nta kibazo cy’imikorere y’imitsi cyagaragaye. Nubwo Poga?ar ategereje kubagwa ku igufa ry’urutugu, iyi kipe ye ntiratangaza igihe azamara adakina.
Bivugwa ko imvune ye ishobora gutuma atabasha gukina irushanwa ry’Isi rizabera muri Canada mu mpera za Nzeri, aho yari ategerejwe kurengera igikombe cy’Isi yatwariye i Kigali mu 2025.
?Mbere yo kugwa kandi Poga?ar yari ari ku isonga rya Vuelta a España, aho yari amaze kugira ikinyuranyo kinini cy’iminota 3 n’amasegonda 50 ku mukinnyi wamukurikiraga.
Yari ari mu rugendo rwo gushaka kugera ku ntego ikomeye yo gutwara amasiganwa atatu akomeye ku isi nka Tour de France, Giro d’Italia na Vuelta a España.
Nubwo yavuye mu isiganwa irushanwa ryarakomeje kuri iki Cyumweru, aho Umunya-Espanye Enric Mas yatsinze icyiciro cya cyenda akurikirwa n'umwongereza Oscar Onley mu isiganwa ryihuta ry’abakinnyi babiri ryabereye ku murongo wo gusoza, bituma arushaho kuyobora Vuelta.
?Umunya-Slovenia Primož Rogli? wigeze gutwara Vuelta inshuro enye we yasoje ku mwanya wa gatatu, asigara inyuma ya Mas ho iminota 1 n’amasegonda 18 ku rutonde rusange.
Umunya-Autriche Felix Gall ari ku mwanya wa gatatu, arushwa na Mas iminota 1 n’amasegonda 39 mu gihe Oscar Onley ari uwa kane, arushwa iminota 2 n’amasegonda 20.
