?Butera Knowless Umugore wa Clement Ishimwe yamwifurije isabukuru nziza y’amavuko, amugaragariza urukundo rwinshi ndetse amushimira ko yamubaye hafi mu bihe byose by’ubuzima.
Mu butumwa yanyujije ku mbuga nkoranyambaga, yavuze ko Clement ari umugabo umufata ukuboko mu bihe byose by’ubuzima, yaba mu byishimo cyangwa mu bihe bigoye.
Yagize ati: “Isabukuru nziza ku mugabo umfata ukuboko muri buri gihe cy’ubuzima.”Yavuze ko Clement ari umuntu umuzi neza, azi imbaraga ze, intege nke ze, inzozi ze ndetse n’ubwoba bwe, ariko nubwo amuzi muri ubu buryo bwose, agahitamo gukomeza kumuba hafi buri munsi.Yamushimiye urukundo n’ibyishimo bamaze kubaka.
Uyu mugore yashimiye Clement ku rukundo, ibitwenge ndetse n’urwibutso rwiza bamaze kubaka hamwe.Yagaragaje ko urugendo rwabo rwagiye rurangwa n’ibyishimo ndetse n’ibibazo, ariko ko muri byose yakomeje kubona ko nta wundi muntu yakwifuza kuba hafi ye uretse Clement.
Ati: “Mu bihe byiza n’ibigoye, nta wundi muntu nakwifuza kuba iruhande rwanjye uretse wowe.”Aya magambo agaragaza ko kuri we, urukundo rwabo rudashingiye gusa ku bihe byiza, ahubwo ko n’ibibazo bahura na byo byabaye igice cy’urugendo rwabo rwo kubaka ubuzima hamwe yavuze ko ubuzima bwe burushaho kugira igisobanuro kubera Clement
Mu butumwa bwe, yakomeje avuga ko kuba Clement ari mu buzima bwe bituma ubuzima burushaho kuba bwiza kandi bukagira igisobanuro.Yagize ati: “Ubuzima burushaho kuba bwiza kandi bufite igisobanuro kubera ko urimo.”Yifurije umugabo we kugira ubuzima burebure, imigisha myinshi n’ibyishimo byinshi.Yamusabye n’amafaranga menshi mu buryo bwo gutera urwenya no kongera akanyamuneza ku butumwa bw’isabukuru.
uyu mugore yongeyeho ko yifuza ko umugabo we yagira amafaranga menshi cyane, ashyiramo utumenyetso tw’amafaranga ndetse n’akamenyetso k’ibitwenge.
Yagize ati: “Ubuzima burambye, imigisha myinshi, ibyishimo byinshi, kandi rwose amafaranga menshi ”Ibi byatumye ubutumwa bwe butagarukira ku magambo y’urukundo gusa, ahubwo burangwa n’urwenya rugaragaza umubano wabo wa hafi.“Ndagukunda birenze amagambo”
Mu gusoza ubutumwa, uyu mugore yongeye kuvuga ko akunda Clement Ishimwe cyane, ku buryo yumva nta magambo ahagije yasobanura urukundo amufitiye.
Yagize ati: “Ndagukunda birenze uko amagambo yabivuga.”Ubutumwa bwe bwagaragaje ko isabukuru ya Clement Ishimwe yabaye umwanya wo kumushimira ku ruhare yagize mu buzima bwe, cyane cyane kuba yaramubaye hafi mu bihe bitandukanye no gukomeza kumuhitamo uko umunsi ushira undi
Like This Post?
Related Posts
Yanditswe na: NSANZABERA Jean Paul
01/09/2026 12:26
