Yanditswe na: NSENGIYUMVA J Damascene
23/10/2026 13:11
Abantu bane barimo babiri n’abana babiri b’impanga bo mu Murenge wa Gisozi mu Kagari ka Ruhango mu mudugudu wa Ntora bagwiriwe n’inzu bahita bapfa bitewe n’imvura yaguye ku gicamunsi cyo ku wa 22 Ukwakira 2026.
Aho iyi mpanuka yabereye hari
urukuta rw’amabuye rurerure rw’undi muntu wateganyaga kuzahubaka kuko
hahahanamye, gusa abahatuye bavuga ko yari yarahagaritswe kuko hashyira ubuzima
bw’abantu mu kaga.
Urebye aho urwo rukuta ruri n’ikibanza rwarimo usubira hepfo nta
yindi nyubako yari ihari kuko abaturage bari barahimuwe kuko hashyiraga mu kaga
ubuzima bwabo. Gusa iyi nzu yagwiriwe n’urukuta ni yo yonyine yari ihasigaye.
Umuvugizi wa
Polisi mu Mujyi wa Kigali, CIP Gahonzire Wellars yatangaje ko iyi mpanuka yabaye ubwo urukuta rwari rwegereye iyo nzu
yari irimo abantu rwinjiragamo amazi bituma rugwira iyo nzu.
Ibindi birebe muri iyi Video
