1. Home
  2. Amakuru
  3. AMAKURU-YO-HANZE

Umwana w'imyaka 2 yishe umubyeyi we w'imyaka 22

Yanditswe na: DUSHIMIMANA Elias 2024-12-12 15:45:27 Amakuru

Ku wa Gatanu tariki 06 Ukuboza 2024, Nibwo  umwana w’umuhungu uri mu kigero cy'’imyaka ibiri n’igice y'amavuko wo muri Leta Zunze Ubumwe za Amerika, yishe arashe nyina w’imyaka 22, umukunzi wa nyina ahita yitaba Imana.

NBC News dukesha iyi nkuru, yanditse ko nyakwigendera witwa Jessinya Mina yiciwe mu rugo rwe ruri i Fresno ho muri Leta ya California ngo yari asanzwe abana n'abandi bantu batatu barimo umukunzi we w’imyaka 18 witwa Andrew Sanchez, umwana wamurashe n’undi mwana w’amezi umunani.

Polisi yo muri ako gace, yatangarije abanyamakuru ko iyo mbunda yashyizwe aho umwana yagombaga kugera, bituma akora mu mbarutso arasa nyina wari uryamye hafi ye none ajyanywe kwa muganga ngo yitabweho biba iby’ubusa abura ubuzima.

Wa mukunzi w’uwarashwe witwa Sanchez yahise atabwa muri yombi akekwaho kubika nabi intwaro no gukora ibikorwa bishyira umwana mu kaga, ariko nyuma arekurwa byagateganyo, cyane ko nta bindi byaha basanze afite, nubwo hataramenyekana impamvu yari atunze imbunda.

Related Post