11:04:52
BPlus Tv
Super Fresh
Rwanda Form
KeySoft
Matelas Dodoma
Dr Vincent Biruta yagizwe Minisitiri w’Umutekano mu gihugu, Asimburwa na Amb. Olivier Nduhungirehe
Yanditswe na: DUSHIMIMANA Elias
2024-06-13 06:41:36 Amakuru
Kuri uyu wa Gatatu tariki 12 Kamena 2024, Nibwo Perezida Kagame yakoze impinduka muri Guverinoma ashyira abayobozi bashya mu myanya barimo Aimable Havugiyaremye wari Umushinjacyaha Mukuru, akaba yagizwe Umunyamabanga Mukuru w’Urwego rw’Igihugu rushinzwe Iperereza n’Umutekano. Havugiyaremye yasimbuye Maj Gen Nzabamwita Joseph wagizwe Umujyanama Mukuru mu by’umutekano mu Biro bya Perezida wa Repubulika.
Ambasaderi Nduhungirehe Olivier yagizwe Minisitiri w’Ububanyi n’Amahanga n’Ubutwererane asimbura Dr Vincent Biruta wagizwe Minisitiri w’Umutekano mu gihugu.
Mu bandi Perezida Kagame yahaye inshingano harimo Consolée Uwimana wagizwe Minisitiri w’Uburinganire n’Iterambere ry’Umuryango, asimbuye Dr Uwamariya Valentine wagizwe Minisitiri w’Ibidukikije.
Dr Mujawamariya Jeanne d’Arc wari usanzwe ari Minisitiri w’Ibidukikije, akaba yahawe kuyobora Minisiteri y’Abakozi ba Leta n’Umurimo. Bwana Murangwa Yussuf wari usanzwe ari Umuyobozi w’Ikigo cy’Igihugu cy’Ibarurishamibare (NISR) yagizwe Minisitiri w’Imari n’Igenamigambi.
Madamu Mutesi Linda Rusagara yagizwe Umunyamabanga wa Leta ushinzwe Ishoramari no kwegeranya Imari muri MINECOFIN. Bwana Olivier Kabera yagizwe Umunyamabanga wa Leta muri Minisiteri y’Ibikorwa Remezo.
Mutesi Linda Rusagara yagizwe Umunyamabanga wa Leta ushinzwe ishoramari rya Leta muri Minisiteri y’Imari n’Igenamigambiwari. Yari asanzwe ari Umuyobozi Mukuru w’Ikigega Agaciro Development Fund
Abandi bashyizwe mu myanya ni
Madamu Angelique Habyarimana yagizwe Umushinjacyaha Mukuru naho Bwana Alfred Gasana agirwa Ambasaderi w’u Rwanda mu Bwami bw’u Buholandi.
Bwana Ronald Niwenshuti yagizwe Komiseri Mukuru w’Ikigo cy’Imisoro n’Amahoro (RRA) naho Dr Innocente Murasi agirwa yagizwe Umuyobozi Mukuru Wungirije w’Ikigo cy’Imisoro n’Amahoro (RRA).
Bwana Ivan Murenzi yagizwe Umuyobozi Mukuru w’Ikigo cy’Ibarurishamibare, naho Bwana Fulgence Dusabimana agirwa Umuyobozi Wungirije w’Umujyi wa Kigali ushinzwe Ibikorwa Remezo n’Umujyanama mu Nama Njyanama y’Umujyi wa Kigali.
