00:42:59
BPlus Tv
Super Fresh
Rwanda Form
KeySoft
Matelas Dodoma
Kigali: Moto zitwara abagenzi za lisansi ntabyangombwa zizahabwa muri 2025
Yanditswe na: DUSHIMIMANA Elias
2024-11-04 11:46:53 Amakuru
Minisiteri y’Ibikorwa Remezo yatangaje ko izahagarika kwandika moto zikoreshwa na lisansi ariko zitwara abagenzi mu Mujyi wa Kigali guhera muri Mutarama mu mwaka utaha wa 2025, mu rwego rwa gahunda ya guverinoma yo gukoresha uburyo burambye butangiza ikirere.
Minisitiri w’Ibikorwaremzo, Dr Jimmy Gasore, mu kiganiro yagiranye na The New Times dukesha iyi nkuru yagize ati: "Ntabwo tuzandika moto za lisansi zo gutwara abantu muri Kigali. Moto zikoreshwa n’amashanyarazi gusa ni zo zizafatwa nk’izemerewe gutwara abantu mu buryo bw’ubucuruzi.”
Minisitiri Gasore yaboneyeho kwerekana ibyiza by’iki gikorwa, avuga ko isoko rya moto zikoreshwa n’amashanyarazi n’ibikorwa remezo bihari bihagije muri Kigali byashyigikira iyi gahunda nshya ndetse ko iyi politiki itagira ingaruka kuri moto zisanzwe zikoreshwa na lisansi, zizakomeza gukora nta nkomyi. Yongeyeho ati: "Iyi ni yo mpamvu duteganya ko nta ngaruka mbi zizabaho mu bukungu."
Iki cyemezo kandi gica intege itumizwa rya moto zidakoreshwa n’amashanyarazi mu gutwara abantu, rihuza n’ingamba zagutse z’u Rwanda.
Juliet Kabera, Umuyobozi mukuru w’ikigo gishinzwe imicungire y’ibidukikije mu Rwanda (REMA), agaruka kuri iyi ngingo ivuga ko moto zidakoresha amashanyarazi zitazongera kwandikwa, yibanze ku nyungu z’izo mpamvu aho yavuze ko moto z’amashanyarazi nta myuka yangiza ikirere zisohora.
Agira ati: “Hariho abakinnyi benshi mu bidukikije bya moto y’amashanyarazi. Amagare y’amashanyarazi yombi yangiza ibidukikije kandi ahendutse. ”Kabera yagize ati:
Kabera yaboneyeho gusaba ko hahindurwa imitekerereze hakajya hagurwa moto z’amashanyarazi, ashimangira ko bifasha kuzigama amafaranga ndetse bitagira n’ingaruka ku bidukikije.
Muri Kamena 2021, u Rwanda, ku bufatanye n’Ishami ry’Umuryango w’Abibumbye rishinzwe Iterambere (UNDP), batangiye gahunda yo kugabanya buhoro buhoro moto zikoreshwa na lisansi bashishikariza kwimukira mu gukoresha izikoreshwa n’amashanyarazi, hagamijwe kugabanya ibyuka bihumanya ikirere.
Muri icyo gihe, moto zirenga 100.000 zari zanditswe mu gihugu hose, 46.000 zikora nka tagisi, harimo 26.000 muri Kigali honyine. Izi moto zigira uruhare runini mu guhumanya ikirere no kwangiza ibidukikije.
Ubushakashatsi buherutse gukorwa ku ngaruka zo kuzamura moto zikoresha amashanyarazi mu Rwanda zagaragaje ko amafaranga miliyari 9 z’amafaranga y’u Rwanda ashobora kuzigamwa buri mwaka bitewe no kugabanya peteroli itumizwa nkuko ikinyamakuru Umuryango cyabigarutseho.
Kugeza ubu, u Rwanda rukoresha hafi miliyari 23 z’amafaranga y’u Rwanda buri mwaka mu gutumiza ibikomoka kuri peteroli, mu gihe moto z’amashanyarazi zasaba miliyari 14 z’amafaranga y’u Rwanda buri mwaka ku mashanyarazi atunganyirizwa mu gihugu.
Hari abashobora kwibaza niba kutandika izo moto zinywa Lisansi bitazateza igihombo abazifite cyangwa ba nyiri sitasiyo z'ibikomoka kuri peteroli batazagwa mu gihombo?
Ikinyamakuru btnrwanda.com kibararikiye inkuru igaruka ku byiyumviro by'abamotari basanzwe bakoresha moto za lisansi nyuma y'iri tangazo.
