Uganda: Abantu 11 barimo abaherutse kugaba igitero kigapfiramo ba mukerarugendo bishwe barashwe

Lt Col Deo Akiiki, Umuvugizi w’igisirikare cya Uganda, yavuze ko aba barwanyi ba ADF bishwe , hafi n’umupaka wa Repubulika Iharanira Demokarasi ya Congo.

Ati “Turashaka kubamenyesha ko iri tsinda rigizwe n’abantu bishe ba mukerarugendo. Ibikorwa biracyakomeje ngo duhashye abarwanyi bose ba ADF.”

Iki gitero cyabaye ku wa 17 Ukwakira muri Pariki ya Queen Elizabeth cyasize David Barlow wakomokaga mu Bwongereza n’umugore we, Emmaretia Geyer ukomoka muri Afurika y’Epfo bishwe ndetse imodoka yabo iratwikwa.