16:41:56
BPlus Tv
Super Fresh
Rwanda Form
KeySoft
Matelas Dodoma
Ubufaransa bwagerageje Misile karahabutaka izabafasha guhangana n’ibitero by'intwaro za nucléaire
Yanditswe na: DUSHIMIMANA Elias
2023-11-20 06:01:56 Amakuru
Kuri iki Cyumweru tariki ya 19 Ugushyingo 2023, Nibwo Minisiteri y’Ingabo y’u Bufaransa yatangaje ko habaye igikorwa cyo kugerageza misile yo mu bwoko bwa M51.3.
Iyi Misile ya M51.3 ishobora kuraswa mu ntera ndende ndetse ikagenda mu buryo bw’ibanga nta rusaku cyangwa ngo hagire uyibona yitezweho kubafasha gukumira ibitero kabuhariwe byagabwa kuri iki gihugu byifashishije intwaro za nucléaire .
Ni misile ivuguruye ugereranyije n’indi yo mu bwoko bwa M51 iki gihugu cyari gisanzwe gifite.
Iyi misile ya M51 yageragerejwe bwa mbere munsi y’ubutaka mu 2006 ndetse no mu nyanja mu 2010 ari na wo munsi yatangiye guhabwa inshingano zo kurinda ibitero byagabwa n’umwanzi.
Misile ya M51 yaje isimbura iyari isanzwe yo mu bwoko bwa M45 yahoze yifashishwa kuva mu 1996.
Ishobora kuraswa mu ntera y’ibilometero ibihumbi 10 iri kugendera ku muvuduko wa kilometero ibihumbi 25 mu isaha ari na ko itwaye intwaro za kirimbuzi zigera mu 10 buri imwe ipima toni zibarirwa mu bihumbi.
Iyi misile yakozwe n’Ikigo gikora ibijyanye n’ibyogajuru, Ariane Group, ku bufatanye n’Ikigo gifasha gukora indege za gisirikare cya Blagnac giherereye mu Majyepfo ashyira Uburengerazuba bw’u Bufaransa cya Airbus n’Ikigo cy’u Bufaransa gikora moteur z’indege cya Safran.
Ubwo u Burusiya bwatangizaga intambara kuri Ukraine muri Gashyantare 2022, Perezida Vladimir Putin yakunze kuburira ibihugu cyane cyane ibyo mu Burengerazuba bw’Isi ko mu gihe igihugu cye cyagabwaho ibitero yiteguye gukoresha intwaro za nucléaire mu kurinda ubusugire bwacyo.
