16:21:56
BPlus Tv
Super Fresh
Rwanda Form
KeySoft
Matelas Dodoma
Abanya-Palestine 12 biciwe mu mirwano yumvikanyemo imbunda ziremereye i Gaza
Yanditswe na: DUSHIMIMANA Elias
2023-11-20 09:50:09 Amakuru
Mu gitondo cyo kuri uyu wa Mbere tariki 20 Ugushyingo 2023, Nibwo Abanya-Palestine 12 biciwe mu mirwano ihanganishije igisirikare cya Israel n’umutwe wa Hamas mu Ntara ya Gaza.
Ni imirwano yumvikanyemo ibisasu bya rutura byarashwe hafi y’ibitaro biri mu majyaruguru y’iyi Ntara ku nkengero z’ibitaro by’Abanya-Indonesia.
Abasirikare ba Israel n’imbunda ziremereye zirimo ibifaru, bakambitse mu bice bikikije ibi bitaro by’Abanya-Indonesia, ari na ho hari kubera iyi mirwano nkuko RFI ibitangaza dukesha iyi nkuru.
Minisiteri y’Ubuzima muri Gaza, yemeje ko Abanya-Palestine 12 biciwe muri iyi mirwano, mu gihe abandi babarirwa muri mirongo bakomeretse.
Nubwo igisirikare cya Israel kitaragira icyo gitangaza kuri iyi mirwano yabaye , Ibiro Ntaramakuru by’Abanya-Palestine, WAFA, byatangaje ko ibi Bitaro by’Abanya-Indonesia byibasiwe bikomeye n’amasasu.
