14:44:02
BPlus Tv
Super Fresh
Rwanda Form
KeySoft
Matelas Dodoma
U Buyapani: Umuntu umwe yapfiriye mu mpanuka y'indege y'igisirikare cya Amerika
Yanditswe na: DUSHIMIMANA Elias
2023-11-30 06:13:15 Amakuru
Kuri uyu wa Gatatu tariki 29 Ugushyingo 2023, Nibwo Umuntu umwe yaguye mu mpanuka y’indege y’igisirikare cya Amerika yahanukiye mu Buyapani.
Iyi ndege yo mu bwoko bwa V-22 Osprey yahanukiye mu kirwa cya Yakishima kiri mu Majyepfo ashyira Uburengerazuba bw’u Buyapani ubwo yekerezaga ku birindiro bya gisirikare bya Kadena muri Okinawa.
Russia Today itangaza ko iyo ndege igisirikare cy’u Buyapani cyatangaje ko yaguye mu nyanja, umwe mu bantu batandatu bari bayirimo akahasiga ubuzima.
Ni impanuka ya kabiri ubu bwoko bw’indege bukoreye mu Buyapan nyuma y’indi yabaye mu 2016. Kuva mu 2007 ubu bwoko bw’indege zikoreshwa n’igisirikare cya Amerika ndetse n’icy’u Buyapani, zimaze gukora impanuka 11.
