14:37:59
BPlus Tv
Super Fresh
Rwanda Form
KeySoft
Matelas Dodoma
U Bufaransa: Igitero simusiga cyapfiriyemo mukerarugendo abandi barakomereka
Yanditswe na: DUSHIMIMANA Elias
2023-12-03 05:23:52 Amakuru
Mu gihugu cy'u Bufaransa mu murwa mukuru i Paris, habereye igitero cyapfiriyemo umugabo naho abandi bantu babiri barakomereka bikekwako cyagabwe n'umugabo ufite ikibazo cyo mu mutwe.
Ni amakuru yashimangiwe na Minisitiri w'ubutegetsi bw'igihugu Gérald Darmanin aho yavuze ko uwakoze icyo gitero yagambiriye ba mukerarugendo mu nkengero z'agace ka Quai de Grenelle, kegereye umunara wa Eiffel.
Minisitiri Darmanin yongeyeho ko Umufaransa w'imyaka 26, wari usanzwe azwi n'inzego z'umutekano, yatawe muri yombi nyuma yo kwica ateye icyuma Umudage, nkuko BBC ibitangaza dukesha iyi nkuru.
Uwo mugabo ucyekwaho kugaba icyo gitero yahise akurikiranwa na polisi, nuko yibasira abandi bantu babiri akoresheje inyundo, nyuma atabwa muri yombi amaze guhagarikwa hifashishijwe igikoresho cy'amashanyarazi kizwi nka Taser, gituma umuntu acika intege.
Abakomeretse bitaweho n'abakora ubutabazi bwihuse.
Mu butumwa yatangaje ku rubuga X, rwahoze rwitwa Twitter, Perezida w'Ubufaransa Emmanuel Macron yihanganishije inshuti n'abo mu muryango w'uwo Mudage wiciwe mu "gitero cy'iterabwoba".
Yavuze ko yifatanyije n'abakomeretse ubu barimo kwitabwaho, anashimira abashinzwe gukora ubutabazi bwihuse ku kuntu babyitwayemo.
