09:36:39
BPlus Tv
Super Fresh
Rwanda Form
KeySoft
Matelas Dodoma
Indonesia: Abantu bane bapfiriye mu mpanuka ya gariyamoshi
Yanditswe na: DUSHIMIMANA Elias
2024-01-07 14:17:08 Amakuru
Ku wa Gatanu tariki ya 05 Mutarama 2024, Nibwo muri Indonesia mu Ntara ya Java y’uburengerazuba mu Mujyi munini wa Surabaya, abantu bane bapfiriye mu mpanuka ya gariyamoshi ebyiri zagonganye.
Amakuru avuga ko abapfuye ari abashoferi b’izo gariyamoshi n’ababafasha mu kazi kabo. Abandi bagenzi 478 bari bari muri izo gariyamoshi zombi barokotse iyo mpanuka gusa abarenga 40 barakomereka.
Acmad Hanapi, Umuyobozi mukuru w’ibitaro bya Cicalengka, aho inkomere zahise zijyanwa byihuse, yavuze ko 21 mu bari mu bitaro, bakomeretse byoroheje.
Komite ishinzwe umutekano mu bijyanye n’ubwikorezi aho muri Indonesia (KNKT), yahise itangiza iperereza ku bufatanye n’ubuyobozi bw’Ikigo gishinzwe za gariyamoshi rusange muri Indonesia (PT KAI), kugira ngo hamenyekane icyateje iyo mpanuka, nk’uko byatangajwe na Soerjanto Tjahjono, umuyobozi w’iyo Komite nkuko Aljazeera ibitangaza dukesha iyi nkuru.
