02:05:49
BPlus Tv
Super Fresh
Rwanda Form
KeySoft
Matelas Dodoma
Bangladesh: Inkongi y’umuriro yahitanye abarenga 40
Yanditswe na: DUSHIMIMANA Elias
2024-03-01 14:55:47 Amakuru
Kuri uyu wa Gatanu tariki 01 Werurwe 2024, Nibwo Minisiteri y’Ubuzima wa Bangladesh, yatangaje ko inkongi y’umuriro yibasiye inyubako y’amagorofa atandatu yahitanye 45 ikomeretsa 22.
Amakuru avuga ko abashinzwe kuzimya umuriro bavuze ko iyi nkongi yaturutse ku iturika rya gaze ryabereye muri resitora ya Biryani, ku mugoroba wo ku wa 29 Gashyantare ari ryo rishobora kuba ryateje iyi nkongi.
Minisitiri w’Ubuzima Samanta Lal Sen, yabwiye abanyamakuru ko 22 bakomeretse bari mu bitaro mu Mujyi wa Dhaka.
Minisitiri w’Intebe Sheikh Hasina, yagaragaje akababaro yatewe n’iyi nkongi ategeka kwihutira kuvura abakomeretse.
Guverinoma yashyizeho itsinda rigizwe n’abantu batanu kugira ngo bakore iperereza ryimbitse ku byabaye.
Umunyamabanga mukuru w’ishyaka ritavuga rumwe n’ubutegetsi (BNP), Mirza Fakhrul Islam Alamgir, yavuze ko impanuka n’ibiza bikomeje kubaho kuko nta mategeko abigenga.
