RDC: Abasivili barindwi bapfiriye mu gitero cyimitwe yitwaje intwaro

Kuwa Gatandatu tariki ya 10 Kamena 2023 Nibwo abantu barindwi baguye mu gitero Umutwe witwaje intwaro wa CODECO wagabye ku birindiro by’Ingabo za Leta, FARDC mu Ntara ya Ituri mu Burasirazuba bwa Repubulika Iharanira Demokarasi ya Congo.

Iki gitero cyagabwe na CODECO cyabaye mu ijoro  ku birindiro biherereye mu gace ka Djukoth mu Ntara ya Ituri, muri Teritwari ya Mahagi

Umuryango Mpuzamahanga utabara imbabare, ICRC, watangaje ko mu bantu barindwi bapfuye, harimo abana batanu n’abagore babiri, ndetse ubuyobozi bwo mu gace ka Mahagi bwatangaje ko “abarwanyi ba COCEDO bishe aba baturage mu buryo bwa kinyamaswa.”

Intara ya Ituri ni imwe mu zigize u Burasirazuba bwa RDC ikunda kumvikanamo ibitero by’imitwe yitwaje intwaro bihitana ubuzima bw’abaturage inshuro nyinshi.